ਗੁਰਦਾਸਪੁਰ ਸ਼ਹਿਰ ਦੇ ਸੈਮਸੰਗ ਸ਼ੋਰੋਮ ‘ਚ ਲੱਗੀ ਅੱਗ,80 ਲੱਖ ਰੁਪਏ ਦੇ ਕਰੀਬ ਹੋਇਆ ਨੁਕਸਾਨ

14 ਦਸੰਬਰ 2023: ਗੁਰਦਾਸਪੁਰ ਸ਼ਹਿਰ ਦੇ ਮੇਹਰ ਚੰਦ ਰੋਡ ਤੇ ਸਥਿਤ ਨਵੇਂ ਸੈਮਸੰਗ ਦੇ ਸ਼ੋਰੂਮ ਦੀ ਪਹਿਲੀ ਮੰਜ਼ਿਲ ਤੇ ਭਿਆਨਕ ਅੱਗ ਲੱਗਣ ਨਾਲ ਲੱਖਾਂ ਰੁਪਏ ਦਾ  ਨੁਕਸਾਨ ਹੋਇਆ , ਸ਼ੋਰੂਮ ਦੀ ਪਹਿਲੀ ਮੰਜ਼ਿਲ ਤੇ ਕੰਪਨੀ ਦਾ ਰਿਪੇਅਰਿੰਗ ਸੈਂਟਰ ਹੈ ਜਿਸ ਤੇ ਸ਼ਾਮ ਕਰੀਬ 6:30 ਵਜੇ ਦੁਕਾਨ ਦੇ ਕਰਮਚਾਰੀਆਂ ਨੇ ਧੁਆਂ ਨਿੱਕਲਦਾ ਦੇਖਿਆ ਜਿਨ੍ਹਾਂ ਨੇ ਰੋਲਾ ਪਾਉਣਾ ਸ਼ੁਰੂ ਕਰ ਦਿੱਤਾ, ਜਿਸ ਉਪਰੰਤ ਸ਼ੋਰੂਮ ਦੇ ਬਾਹਰ ਲੋਕ ਇਕੱਠੇ ਹੋਣੇ ਸ਼ੁਰੂ ਹੋ ਗਏ ਅਤੇ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ ਗਿਆ। ਫਾਇਰ ਬ੍ਰਿਗੇਡ ਦੀ ਗੱਡੀ ਵੀ ਮੌਕੇ ਤੇ ਪਹੁੰਚ ਗਈ |ਪਹਿਲੀ ਮੰਜ਼ਿਲ ਤੇ ਫੈਲੇ ਧੂਏਂ ਕਾਰਨ ਫਾਇਰ ਬ੍ਰਿਗੇਡ ਕਰਮਚਾਰੀਆਂ ਨੂੰ ਉੱਪਰ ਜਾ ਕੇ ਅੱਗ ਬੁਝਾਣ ਵਿੱਚ ਮੁਸ਼ਕਲ ਪੇਸ਼ ਆ ਰਹੀ ਸੀ ਜਿਸ ਕਾਰਨ ਸ਼ੋਰੂਮ ਦੇ ਪਹਿਲੀ ਮੰਜ਼ਿਲ ਦੇ ਸ਼ੀਸ਼ੇ ਵੀ ਪੌੜੀ ਲਗਾ ਕੇ ਤੋੜ ਦਿੱਤੇ ਗਏ। ਮੌਕੇ ਤੇ ਫਾਇਰ ਬ੍ਰਿਗੇਡ ਦੀਆਂ ਦੋ ਗੱਡੀਆਂ ਮੰਗਵਾਈਆਂ ਗਈਆਂ ਅਤੇ ਲਗਭਗ ਇਕ ਘੰਟੇ ਦੀ ਮਸ਼ੱਕਤ ਤੋਂ ਬਾਅਦ ਅੱਗ ਤੇ ਕਾਬੂ ਪਾਇਆ ਗਿਆ ਅਤੇ ਪੁਲਿਸ ਕਰਮਚਾਰੀ ਅਤੇ ਨਗਰ ਕੌਂਸਲ ਦੇ ਕਰਮਚਾਰੀ ਵੀ ਮੌਕੇ ਤੇ ਪਹੁੰਚ।ਉਥੇ ਹੀ ਸ਼ੋਰੂਮ ਮਾਲਕ ਸ਼ਸ਼ੀਪਾਲ ਨੇ ਦੱਸਿਆ ਕਿ ਪਿਛਲੇ ਮਹੀਨੇ ਹੀ ਇਸ ਸ਼ੋਰੂਮ ਦਾ ਮਹੂਰਤ ਕੀਤਾ ਗਿਆ ਸੀ।ਅਤੇ ਉਸਦਾ 80 ਲੱਖ ਰੁਪਏ ਤੋਂ ਵੱਧ ਨੁਕਸਾਨ ਹੋਇਆ ਹੈ |