ਨਿਊਯਾਰਕ ਦੇ ਗਵਰਨਰ ਵਿਰੁੱਧ ਸਾਬਤ ਹੋਏ ਔਰਤਾਂ ਨਾਲ ਜਿਨਸੀ ਛੇੜ– ਛਾੜ ਦੇ ਦੋਸ਼

ਨਿਊਯਾਰਕ ਦੇ ਗਵਰਨਰ ਐਂਡਰਿਊ ਕੁਓਮੋ ਨੂੰ ਅਸਤੀਫਾ ਦੇਣ ਦੇ ਵਧਦੇ ਦਬਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ‘ਤੇ ਰਾਸ਼ਟਰਪਤੀ ਜੋਅ ਬਾਈਡਨ ਅਤੇ ਹੋਰ ਡੈਮੋਕ੍ਰੇਟਿਕ ਸਹਿਯੋਗੀ ਧਿਰਾਂ ਵੱਲੋਂ ਅਸਤੀਫਾ ਦੇਣ ਦਾ ਦਬਾਅ ਪਾਇਆ ਜਾ ਰਿਹਾ ਹੈ। ਇੱਕ ਜਾਂਚ ਤੋਂ ਪਤਾ ਚੱਲਿਆ ਕਿ ਕੁਓਮੀ ਨੇ ਇੱਕ ਦਰਜਨਾਂ ਔਰਤਾਂ ਦਾ ਜਿਨਸੀ ਸ਼ੋਸ਼ਣ ਕੀਤਾ ਅਤੇ ਸ਼ਿਕਾਇਤ ਕਰਨ ਵਾਲੀ ਪੀੜਤਾ ਦੇ ਵਿਰੁੱਧ ਬਦਲਾ ਵੀ ਲਿਆ। ਬਾਇਡਨ ਨੇ ਕਿਹਾ, “ਮੈਨੂੰ ਲਗਦਾ ਹੈ ਕਿ ਉਨ੍ਹਾਂ ਨੂੰ ਅਸਤੀਫਾ ਦੇ ਦੇਣਾ ਚਾਹੀਦਾ ਹੈ। ਸਦਨ ਦੀ ਸਪੀਕਰ ਨੈਨਸੀ ਪੇਲੋਸੀ ਅਤੇ ਯੂਐਸ ਸੈਨੇਟਰ ਚੱਕ ਸ਼ੂਮਰ ਅਤੇ ਨਿਊਯਾਰਕ ਦੇ ਕਰਸਟਨ ਗਿਲਿਬਰੈਂਡ ਅਤੇ ਹੋਰ ਸਾਰੇ ਡੈਮੋਕਰੇਟਸ ਇੱਕੋ ਗੱਲ ‘ਤੇ ਵਿਸ਼ਵਾਸ ਕਰਦੇ ਹਨ। ਰਾਜ ਵਿਧਾਨ ਸਭਾ ਦੇ ਨੇਤਾ ਕੋਲ ਮਹਾਂਦੋਸ਼ ਲਗਾਉਣ ਦੀ ਸ਼ਕਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਪੱਸ਼ਟ ਹੈ ਕਿ ਕੁਓਮੋ ਹੁਣ ਅਹੁਦਾ ਨਹੀਂ ਸੰਭਾਲ ਸਕਦੇ। ਸਪੀਕਰ ਕਾਰਲ ਹੈਸਟੀ ਨੇ ਕਿਹਾ ਕਿ ਉਹ “ਜਿੰਨੀ ਜਲਦੀ ਹੋ ਸਕੇ” ਮਹਾਦੋਸ਼ ਦੀ ਜਾਂਚ ਨੂੰ ਪੂਰਾ ਕਰਨ ਲਈ ਅੱਗੇ ਵਧਣਗੇ। ਕੁਓਮੋ ਅਜੇ ਵੀ ਆਪਣਾ ਬਚਾਅ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਜਾਂਚ ਵਿੱਚ ਦਿਖਾਇਆ ਗਿਆ ਤੱਥ ਅਸਲੀਅਤ ਤੋਂ ਬਹੁਤ ਵੱਖਰਾ ਸੀ ਅਤੇ ਉਸਨੇ ਕਦੇ ਵੀ ਕਿਸੇ ਨੂੰ ਅਣਉਚਿਤ ਤਰੀਕੇ ਨਾਲ ਨਹੀਂ ਛੂਹਿਆ ਅਤੇ ਨਾ ਹੀ ਜਿਨਸੀ ਸੰਬੰਧ ਬਣਾਏ ਸਨ। ਹੇਸਟੀ ਨਾਲ ਇੱਕ ਟੈਲੀਫੋਨ ਗੱਲਬਾਤ ਵਿੱਚ, ਕੁਓਮੋ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਅਸਤੀਫਾ ਨਹੀਂ ਦੇਵੇਗਾ ਅਤੇ ਸਪੀਕਰ ਨੂੰ ਕਿਹਾ ਕਿ ਉਸਨੂੰ ਸਾਥੀ ਡੈਮੋਕਰੇਟਸ ਦੇ ਨਾਲ ਕੰਮ ਕਰਨ ਦੀ ਲੋੜ ਹੈ ਅਤੇ ਮਹਾਦੋਸ਼ ਨੂੰ ਰੋਕਣ ਲਈ ਕਾਫ਼ੀ ਵੋਟਾਂ ਹਾਸਲ ਕਰਨ ਦੀ ਜ਼ਰੂਰਤ ਹੈ। ਪਰ ਹੇਸਟੀ ਨੇ ਕਿਹਾ ਕਿ ਉਹ ਅਜਿਹਾ ਨਹੀਂ ਕਰ ਸਕਦਾ।
ਨਿਊਯਾਰਕ ਦੇ ਅਟਾਰਨੀ ਜਨਰਲ ਦੀ ਅਗਵਾਈ ਅਤੇ ਦੋ ਬਾਹਰੀ ਵਕੀਲਾਂ ਦੀ ਅਗਵਾਈ ਵਿੱਚ ਲਗਭਗ ਪੰਜ ਮਹੀਨਿਆਂ ਦੀ ਗੈਰ-ਅਪਰਾਧਕ ਜਾਂਚ ਵਿੱਚ ਪਾਇਆ ਗਿਆ ਕਿ ਰਾਜ ਸਰਕਾਰ ਦੇ ਅੰਦਰ ਅਤੇ ਬਾਹਰ 11 ਔਰਤਾਂ ਸੱਚ ਬੋਲ ਰਹੀਆਂ ਹਨ। ਉਨ੍ਹਾਂ ਨੇ ਇਲਜ਼ਾਮ ਲਗਾਏ ਸਨ ਕਿ ਕੋਓਮੋ ਨੇ ਉਨ੍ਹਾਂ ਗਲਤ ਢੰਗ ਨਾਲ ਛੋਇਆ।