ਟੈਂਕ ਅਭਿਆਸ ਦੌਰਾਨ ਭਾਰਤੀ ਫ਼ੌਜੀ ਜਵਾਨਾਂ ਨਾਲ ਵਾਪਰਿਆ ਹਾਦਸਾ, 5 ਫ਼ੌਜੀ ਹੋਏ ਸ਼ਹੀਦ

ਲੱਦਾਖ ‘ਚ ਫ਼ੌਜੀ ਜਵਾਨਾਂ ਨਾਲ ਹਾਦਸਾ ਵਾਪਰ ਗਿਆ ਹੈ | ਦੱਸ ਦੇਈਏ ਕਿ ਲੱਦਾਖ ਦੇ ਦੌਲਤ ਬੇਗ ਓਲਡੀ ਇਲਾਕੇ ‘ਚ ਨਦੀ ਪਾਰ ਕਰਨ ਸਮੇਂ ਟੈਂਕ ਅਭਿਆਸ ਦੌਰਾਨ ਫੋਜੀਆਂ ਦਾ ਇੱਕ ਟੀ-72 ਟੈਂਕ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਹੈ ਜਿਸ ਕਾਰਨ 5 ਫ਼ੌਜੀ ਸ਼ਹੀਦ ਹੋ ਗਏ ਹਨ |

ਕਿਵੇਂ ਵਾਪਰਿਆ ਹਾਦਸਾ

ਲੱਦਾਖ ਦੇ ਦੌਲਤ ਬੇਗ ਓਲਡੀ ਇਲਾਕੇ ‘ਚ ਨਦੀ ਪਾਰ ਕਰਨ ਦੇ ਟੈਂਕ ਅਭਿਆਸ ਦੌਰਾਨ ਇੱਕ ਟੀ-72 ਟੈਂਕ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਜਦੋਂ ਫ਼ੌਜੀ ਟੈਂਕ ਰਾਹੀਂ ਨਦੀ ਪਾਰ ਕਰ ਰਹੇ ਸੀ ਤਾਂ ਪਾਣੀ ਦਾ ਪੱਧਰ ਅਚਾਨਕ ਵੱਧ ਗਿਆ ਜਿਸ ਕਾਰਨ 5 ਫ਼ੌਜੀ ਸ਼ਹੀਦ ਹੋ ਗਏ |

ਘਟਨਾ ਰਾਤ 1 ਵਜੇ ਦੀ ਹੈ। ਸਾਰੀਆਂ ਪੰਜ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਾਦਸਾ ਚੁਸ਼ੁਲ ਤੋਂ 148 ਕਿਲੋਮੀਟਰ ਦੂਰ ਮੰਦਰ ਮੋੜ ਨੇੜੇ ਵਾਪਰਿਆ।

ਹਾਦਸੇ ਵਿੱਚ ਮਰਨ ਵਾਲੇ ਸਿਪਾਹੀਆਂ ਦੇ ਨਾਮ ਆਰਆਈਐਸ ਐਮਆਰ ਕੇ ਰੈੱਡੀ, ਡੀਐਫਆਰ ਭੂਪੇਂਦਰ ਨੇਗੀ, ਐਲਡੀ ਅਕਦੁਮ ਤਾਇਬਮ, ਹੌਲਦਾਰ ਏ ਖਾਨ, ਸੀਐਫਐਨ ਨਾਗਰਾਜ ਪੀ ਹਨ।

ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਜਤਾਇਆ ਦੁੱਖ

ਲੱਦਾਖ ਵਿੱਚ ਇੱਕ ਨਦੀ ਪਾਰ ਕਰਦੇ ਸਮੇਂ ਇੱਕ ਮੰਦਭਾਗੀ ਦੁਰਘਟਨਾ ਵਿੱਚ ਸਾਡੇ ਪੰਜ ਬਹਾਦਰ ਭਾਰਤੀ ਫੌਜ ਦੇ ਜਵਾਨਾਂ ਦੀ ਜਾਨ ਜਾਣ ‘ਤੇ ਡੂੰਘਾ ਦੁੱਖ ਹੈ।
ਅਸੀਂ ਰਾਸ਼ਟਰ ਪ੍ਰਤੀ ਸਾਡੇ ਬਹਾਦਰ ਸੈਨਿਕਾਂ ਦੀ ਮਿਸਾਲੀ ਸੇਵਾ ਨੂੰ ਕਦੇ ਨਹੀਂ ਭੁੱਲਾਂਗੇ। ਦੁਖੀ ਪਰਿਵਾਰਾਂ ਪ੍ਰਤੀ ਮੇਰੀ ਦਿਲੀ ਹਮਦਰਦੀ ਹੈ। ਇਸ ਦੁੱਖ ਦੀ ਘੜੀ ਵਿੱਚ ਕੌਮ ਉਨ੍ਹਾਂ ਦੇ ਨਾਲ ਖੜੀ ਹੈ।