ਪੀਜ਼ੇ ਦੀ ਉਡੀਕ ਨੇ ਔਰਤ ਦੀ ਚਮਕਾਈ ਕਿਸਮਤ, ਮਿੰਟਾਂ ‘ਚ ਜਿੱਤੇ ਲੱਖਾਂ ਡਾਲਰ!

ਅਕਸਰ ਹੀ ਲੋਕਾਂ ਵੱਲੋਂ ਆਰਡਰ ਕੀਤੇ ਖਾਣੇ ‘ਚ ਹੋਈ ਦੇਰੀ ਕਾਰਨ ਡਿਲੀਵਰੀਮੈਨ ਨਾਲ ਲੜਾਈ ਝਗੜਾ ਕਰਦੇ ਦੇਖਿਆ ਹੋਣਾ ਹੈ, ਪਰ ਇੱਥੇ ਅਜਿਹਾ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ ਕਿ ਇਕ ਔਰਤ ਵੱਲੋਂ ਪੀਜ਼ਾ ਆਰਡਰ ਕੀਤਾ ਜਾਂਦਾ ਹੈ ਪਰ ਆਰਡਰ ਪਹੁੰਚਣ ਵਿੱਚ ਹੋਈ ਦੇਰੀ ਕਾਰਨ ਔਰਤ ਦੀ ਕਿਸਮਤ ਨੇ ਅਜਿਹੀ ਪਲਟੀ ਮਾਰੀ ਕਿ ਉਹ 3 ਲੱਖ ਡਾਲਰ ਦੇ ਜੈੱਕਪਾਟ ਦੀ ਮਾਲਕਣ ਬਣ ਗਈ ਹੈ। ਇਸ ਅਨੋਖੇ ਮਾਮਲੇ ਪਿੱਛੇ ਕਹਾਣੀ ਜਾਣਨ ਲਈ ਪੜ੍ਹੋ ਇਹ ਪੂਰੀ ਖ਼ਬਰ।

ਦਰਅਸਲ ਕੈਨੇਡਾ ‘ਚ ਪਿੱਜ਼ਾ ਦਾ ਇੰਤਜ਼ਾਰ ਕਰਨ ਵਾਲੀ ਗੁਜਰਾਤੀ-ਭਾਰਤੀ ਔਰਤ ਰੇਣੂਕਾ ਪਟੇਲ ਦੀ ਕਿਸਮਤ ਨੇ ਅਜਿਹੀ ਪਲਟੀ ਮਾਰੀ ਕਿ ਉਸ ਨੇ 3 ਲੱਖ ਡਾਲਰ ਜਿੱਤ ਲਏ। ਪਤਾ ਲੱਗਿਆ ਹੈ ਕਿ ਰੇਣੂਕਾ ਪਟੇਲ ਨਾਮੀਂ ਇਸ ਔਰਤ ਦੀ ਪਿੱਜ਼ਾ ਖਾਣ ਦੀ ਇੱਛਾ ਸੀ। ਉਸ ਨੇ ਇੱਕ ਪਿੱਜ਼ਾ ਸਟੋਰ ‘ਤੇ ਇਸ ਲਈ ਆਰਡਰ ਕੀਤਾ। ਪਿੱਜ਼ਾ ਤਿਆਰ ਹੋਣ ਵਿੱਚ ਸਮਾਂ ਲੱਗਣ ‘ਤੇ ਰੇਣੂਕਾ ਪਟੇਲ ਨੇ ਜਾਰਜ ਕਨਵੀਨੈਂਸ ਸਟੋਰ, ਮੈਕੇਂਜੀ ਡਰਾਈਵ ਵੈਸਟ, ਵੁੱਡਬ੍ਰਿਜ, ਕੈਨੇਡਾ ਤੋਂ ਲਾਟਰੀ ਦੀ ਟਿਕਟ ਖਰੀਦੀ। ਉਹ ਆਪਣਾ ਟਾਈਮ ਪਾਸ ਕਰਨ ਲਈ ਇੰਸਟੈਂਟ ਕੈਸ਼ ਸਟੈਸ਼ ਖੇਡਣ ਦੀ ਯੋਜਨਾ ਬਣਾ ਰਹੀ ਸੀ ਕਿਉਂਕਿ ਉਸ ਨੇ ਪਿੱਜ਼ਾ ਆਰਡਰ ਕੀਤਾ ਸੀ।

ਇਸ ਸਮੇਂ ਉਸਨੇ ਆਪਣੀ ਕਿਸਮਤ ਅਜ਼ਮਾਈ ਅਤੇ ਅੱਖ ਝਪਕਦਿਆਂ ਹੀ ਵੱਡੀ ਰਕਮ ਜਿੱਤ ਲਈ ਜੋ 3 ਲੱਖ ਡਾਲਰ ਦਾ ਜੈਕਪਾਟ ਸੀ। ਜਿੱਤਣ ਤੋਂ ਬਾਅਦ ਉਹ ਕਾਫੀ ਉਤਸ਼ਾਹਿਤ ਵੀ ਸੀ।ਵੁੱਡਬ੍ਰਿਜ ਨਿਵਾਸੀ ਰੇਣੂਕਾ ਪਟੇਲ ਦਾ ਕਹਿਣਾ ਹੈ ਕਿ ਅਮੀਰ ਬਣਨ ਲਈ ਆਪਣੇ ਖਾਲੀ ਸਮੇਂ ਵਿੱਚ ਮੈਂ ਆਪਣੇ ਸਮੇਂ ਦੀ ਵਰਤੋਂ ਲਾਟਰੀ ਖੇਡਣ ਵਿੱਚ ਕਰਦੀ ਸੀ। ਉਹ ਇਸ ਸਬੰਧੀ ਆਪਣੇ ਪਰਿਵਾਰ ਨੂੰ ਇਸ ਬਾਰੇ ਸੂਚਿਤ ਕਰਨ ਲਈ ਵੀ ਬਹੁਤ ਉਤਸੁਕ ਸੀ। ਉਸ ਨੇ ਕਿਹਾ ਕਿ ਮੈਂ ਦੋ ਬੱਚਿਆਂ ਦੀ ਮਾਂ ਹਾਂ ਅਤੇ ਮੈਂ ਹਰ ਸਮੇਂ ਸਿਰਫ ਮਨੋਰੰਜਨ ਲਈ ਅਜਿਹੀਆਂ ਕਿਸਮਤ ਮੁਖੀ ਖੇਡਾਂ ਖੇਡਦੀ ਸੀ। ਮੇਰਾ ਉਦੇਸ਼ ਇੰਨੀ ਵੱਡੀ ਰਕਮ ਜਿੱਤਣਾ ਕਦੇ ਨਹੀਂ ਸੀ। ਪਰ ਜਦੋਂ ਮੈਂ ਇੱਕ ਵਾਰ ਵਿੱਚ ਲਾਟਰੀ ਵਿੱਚ ਇੰਨੀ ਵੱਡੀ ਰਕਮ ਜਿੱਤੀ ਤਾਂ ਫਿਰ ਮੇਰੀ ਕਿਸਮਤ ਜਾਗ ਪਈ।