ਮੁਕੇਸ਼ ਅੰਬਾਨੀ ਨੂੰ ਸੁਪਰੀਮ ਕੋਰਟ ਤੋਂ ਲੱਗਿਆ ਵੱਡਾ ਝਟਕਾ

ਨਵੀਂ ਦਿੱਲੀ : ਰਿਲਾਇੰਸ ਅਤੇ ਫਿਊਚਰ ਰਿਟੇਲ ਨੂੰ ਵੱਡਾ ਝਟਕਾ ਲੱਗਾ ਹੈ। ਸੁਪਰੀਮ ਕੋਰਟ ਨੇ ਐਮਾਜ਼ਾਨ (Amazon) ਦੇ ਹੱਕ ਵਿੱਚ ਫੈਸਲਾ ਦਿੰਦੇ ਹੋਏ ਰਿਲਾਇੰਸ ਰਿਟੇਲ ਵਿੱਚ ਰਲੇਵੇਂ ਲਈ ਫਿਊਚਰ ਰਿਟੇਲ ਲਿਮਟਿਡ ਦੇ 24 ਹਜ਼ਾਰ ਕਰੋੜ ਦੇ ਸੌਦੇ ‘ਤੇ ਰੋਕ ਲਗਾ ਦਿੱਤੀ ਹੈ।

ਸੁਪਰੀਮ ਕੋਰਟ ਨੇ ਸ਼ੁੱਕਰਵਾਰ ਨੂੰ ਈ-ਕਾਰੋਬਾਰੀ ਦਿੱਗਜ ਐਮਾਜ਼ਾਨ ਦੇ ਹੱਕ ਵਿੱਚ ਫੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਸਿੰਗਾਪੁਰ ਦੇ ਐਮਰਜੈਂਸੀ ਨਿਰਣਾਇਕ ਦਾ ਫੈਸਲਾ ਫਿਊਚਰ ਰਿਟੇਲ ਲਿਮਟਿਡ (FRL) ਦੇ 24,731 ਕਰੋੜ ਰੁਪਏ ਦੇ ਰਿਲਾਇੰਸ ਰਿਟੇਲ ਦੇ ਨਾਲ ਰਲੇਵੇਂ ਦੇ ਸੌਦੇ ‘ਤੇ ਰੋਕ ਲਗਾਉਣ ਦੇ ਤਹਿਤ ਵੈਧ ਅਤੇ ਲਾਗੂ ਹੋਣ ਯੋਗ ਹੈ।

ਜਸਟਿਸ ਆਰਐਫ ਨਰੀਮਨ ਦੇ ਬੈਂਚ ਨੇ ਵੱਡੇ ਸਵਾਲ ਦਾ ਨੋਟਿਸ ਲਿਆ ਅਤੇ ਫੈਸਲਾ ਸੁਣਾਇਆ ਕਿ ਕਿਸੇ ਵਿਦੇਸ਼ੀ ਕੰਪਨੀ ਦੇ ਐਮਰਜੈਂਸੀ ਆਰਬੀਟਰੇਸ਼ਨ (EA) ਦਾ ਫੈਸਲਾ ਭਾਰਤੀ ਸਾਲਸੀ ਅਤੇ ਸੁਲ੍ਹਾ ਕਾਨੂੰਨ ਦੇ ਅਧੀਨ ਲਾਗੂ ਹੋਣ ਯੋਗ ਹੈ, ਭਾਵੇਂ ਸਾਲਸੀ ਕਾਨੂੰਨਾਂ ਵਿੱਚ ਈਏ ਸ਼ਬਦ ਦੀ ਵਰਤੋਂ ਦੇ ਬਾਵਜੂਦ ਨਹੀਂ ਕੀਤਾ ਗਿਆ ਹੈ।

ਬੈਂਚ ਨੇ ਕਿਹਾ, “ਈਏ ਦਾ ਆਦੇਸ਼ ਧਾਰਾ 17 (1) ਦੇ ਅਧੀਨ ਆਦੇਸ਼ ਹੈ ਅਤੇ ਸਾਲਸੀ ਅਤੇ ਸੁਲ੍ਹਾ ਕਾਨੂੰਨ ਦੀ ਧਾਰਾ 17 (2) ਦੇ ਅਧੀਨ ਲਾਗੂ ਹੋਣ ਯੋਗ ਹੈ।” ਐਮਾਜ਼ਾਨ ਡਾਟ ਕਾਮ ਐਨਵੀ ਇਨਵੈਸਟਮੈਂਟ ਹੋਲਡਿੰਗਜ਼ ਐਲਐਲਸੀ ਅਤੇ ਐਫਆਰਐਲ ਵਿਚਕਾਰ ਇਸ ਸੌਦੇ ਨੂੰ ਲੈ ਕੇ ਵਿਵਾਦ ਹੋਇਆ ਸੀ ਅਤੇ ਯੂਐਸ ਅਧਾਰਤ ਕੰਪਨੀ ਨੇ ਸਿਖਰਲੀ ਅਦਾਲਤ ਨੂੰ ਬੇਨਤੀ ਕੀਤੀ ਸੀ ਕਿ ਈਏ ਦੇ ਫੈਸਲੇ ਨੂੰ ਜਾਇਜ਼ ਅਤੇ ਲਾਗੂ ਕਰਨ ਯੋਗ ਮੰਨਿਆ ਜਾਵੇ।