ਚੰਦਰਯਾਨ-3 ਧਰਤੀ ਦਾ ਚੱਕਰ ਛੱਡ ਕੇ ਚੰਦਰਮਾ ਵੱਲ ਵਧਿਆ, 5 ਅਗਸਤ ਦਾ ਦਿਨ ਹੈ ਮਹੱਤਵਪੂਰਨ…

1 AUGUST 2023: ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਮੰਗਲਵਾਰ ਨੂੰ ਚੰਦਰਯਾਨ-3 ਪੁਲਾੜ ਯਾਨ ਨੂੰ ਸਫਲਤਾਪੂਰਵਕ ਧਰਤੀ ਦੇ ਪੰਧ ਤੋਂ ਹਟਾ ਕੇ ਚੰਦਰਮਾ ਦੇ ਪੰਧ ਵੱਲ ਭੇਜ ਦਿੱਤਾ। ਇਸਰੋ ਨੇ ਬਿਆਨ ‘ਚ ਕਿਹਾ ਕਿ ‘ਚੰਦਰਯਾਨ-3 ਨੇ ਧਰਤੀ ਦੀ ਪੰਧ ਦਾ ਚੱਕਰ ਪੂਰਾ ਕਰ ਲਿਆ ਹੈ ਅਤੇ ਹੁਣ ਇਹ ਚੰਦਰਮਾ ਵੱਲ ਵਧ ਰਿਹਾ ਹੈ।’

5 ਅਗਸਤ ਹੈ ਮਹੱਤਵਪੂਰਨ
ਇਸਰੋ ਨੇ ਕਿਹਾ ਕਿ ISTRAC (ਇਸਰੋ ਟੈਲੀਮੈਟਰੀ, ਟ੍ਰੈਕਿੰਗ ਅਤੇ ਕਮਾਂਡ ਨੈੱਟਵਰਕ) ਨੇ ਸਫਲਤਾਪੂਰਵਕ ਪੈਰੀਜੀ ਫਾਇਰਿੰਗ ਕੀਤੀ। ਜਿਸ ਤੋਂ ਬਾਅਦ ਪੁਲਾੜ ਯਾਨ ਨੇ ਚੰਦਰਮਾ ਵੱਲ ਆਪਣੀ ਯਾਤਰਾ ਸ਼ੁਰੂ ਕਰ ਦਿੱਤੀ ਹੈ। ਅਗਲਾ ਕਦਮ ਚੰਦਰਮਾ ਹੈ. 5 ਅਗਸਤ, 2023 ਨੂੰ ਚੰਦਰਯਾਨ-3 ਪੁਲਾੜ ਯਾਨ ਚੰਦਰਮਾ ਦੇ ਪੰਧ ਵਿੱਚ ਦਾਖਲ ਹੋਵੇਗਾ। ਇਸ ਤੋਂ ਬਾਅਦ 16 ਅਗਸਤ ਤੱਕ ਪੁਲਾੜ ਯਾਨ ਚੰਦਰਮਾ ਦੇ ਚੱਕਰ ਵਿੱਚ ਘੁੰਮੇਗਾ। ਲੈਂਡਰ 17 ਅਗਸਤ ਨੂੰ ਚੰਦਰਮਾ ਦੀ ਸਤ੍ਹਾ ਤੋਂ 100 ਕਿਲੋਮੀਟਰ ਉੱਪਰ ਪ੍ਰੋਪਲਸ਼ਨ ਮਾਡਿਊਲ ਤੋਂ ਵੱਖ ਹੋ ਜਾਵੇਗਾ। ਚੰਦਰਯਾਨ-3 ਨੇ 23 ਅਗਸਤ ਨੂੰ ਸ਼ਾਮ 5.47 ਵਜੇ ਚੰਦਰਮਾ ਦੀ ਸਤ੍ਹਾ ‘ਤੇ ਉਤਰਨਾ ਹੈ।