ਲੁਧਿਆਣਾ ‘ਚ ਲੱਗਿਆ ਚਿਕਨ ਦਾ ਮੇਲਾ, ਕਰੋਨਾ ਵਾਇਰਸ ਨੂੰ ਪਾਈ ਮਾਤ..

ਚਿਕਨ ਦਾ ਮੁਫ਼ਤ ‘ਚ ਮੇਲਾ

ਕੋਰੋਨਾ ਕਰਕੇ ਫੈਲਦੇ ਅਫ਼ਵਾਹ ਤੋਂ ਜਾਣੂ ਕਰਵਾਉਣ ਲਈ ਲਾਇਆ ਮੇਲਾ

ਲੁਧਿਆਣਾ, 14 ਮਾਰਚ (ਸੰਜੀਵ ਸੂਦ): ਪੂਰੇ ਵਿਸ਼ਵ ਭਰ ‘ਚ ਲਗਾਤਾਰ ਕਰੋਨਾ ਵਾਇਰਸ ਨੂੰ ਲੈ ਕੇ ਜਿੱਥੇ ਹਾਹਾਕਾਰ ਮਚੀ ਹੋਈ ਹੈ ਉੱਥੇ ਹੀ ਅੱਜ ਪੰਜਾਬ ਬਾਇਲਰਜ਼ ਐਸੋਸੀਏਸ਼ਨ ਵੱਲੋਂ ਲੁਧਿਆਣਾ ਵਿੱਚ ਮੁਫ਼ਤ ਚਿਕਨ ਦਾ ਹੀ ਮੇਲਾ ਲਗਾ ਦਿੱਤਾ ਗਿਆ। ਇਸ ਦੌਰਾਨ ਲੋਕਾਂ ਨੇ ਕਤਾਰਾਂ ‘ਚ ਲੱਗ ਕੇ ਬਿਨਾਂ ਕਿਸੇ ਡਰ ਤੋਂ ਚਿਕਨ ਖਾਧਾ। ਇਸ ਮੌਕੇ ਐਸੋਸੀਏਸ਼ਨ ਦੇ ਪ੍ਰਧਾਨ ਨੇ ਦੱਸਿਆ ਕਿ ਸਿਰਫ ਮਾਰਕੀਟ ਖ਼ਰਾਬ ਕਰਨ ਲਈ ਅਜਿਹੀਆਂ ਅਫ਼ਵਾਹਾਂ ਫੈਲਾਈਆਂ ਜਾ ਰਹੀਆਂ ਹਨ।

ਪੰਜਾਬ ਬਰੈਲਰ ਦੇ ਪ੍ਰਮੁੱਖ ਭੁਪਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਕਰੋਨਾ ਵਾਇਰਸ ਦਾ ਕਹਿਰ ਪੂਰੀ ਤਰ੍ਹਾਂ ਫੈਲ ਚੁੱਕਾ । ਇਸਲਈ ਇਸ ਵਾਇਰਸ ਦੇ ਖ਼ਿਲਾਫ਼ ਭਾਰਤ ਸਰਕਾਰ ਅਤੇ ਸੂਬਾ ਸਰਕਾਰ ਲੋਕਾਂ ਨੂੰ ਜਾਗਰੂਕ ਕਰ ਰਹੀਆਂ ਨੇ। ਉਨ੍ਹਾਂ ਕਿਹਾ ਕਿ ਵਾਇਰਸ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਅਫਵਾਹਾਂ ਵੀ ਫੈਲਾਈਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਇਹ ਵੀ ਅਫਵਾਹ ਫੈਲਾਈ ਜਾ ਰਹੀ ਹੈ ਕਿ ਨਾਨ ਵੈੱਜ ਕਰਕੇ ਵਾਇਰਸ ਫੈਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਮਾਹਿਰ ਅਤੇ ਡਾਕਟਰ ਇਹ ਐਡਵਾਈਜ਼ਰੀ ਜਾਰੀ ਕਰ ਚੁੱਕੇ ਨੇ ਕਿ ਨਾਨਵੈੱਜ ਨਾਲ ਵਾਰਸ ਨਹੀਂ ਫੈਲ ਰਿਹਾ ਹੈ। ਇਸੇ ਕਰਕੇ ਉਨ੍ਹਾਂ ਵੱਲੋਂ ਅੱਜ ਮੁਫ਼ਤ ਚਿਕਨ ਦਾ ਮੇਲਾ ਲਾਇਆ ਗਿਆ, ‘ਤੇ ਲੋਕ ਵੱਡੀ ਤਾਦਾਦ ‘ਚ ਆ ਕੇ ਚਿਕਨ ਖਾ ਰਹੇ ਹਨ।