ਗੂਗਲ ਨੂੰ ਚੈਟਬੋਟ ਬਾਰਡ ਕਰਨਾ ਪਿਆ ਮਹਿੰਗਾ: ਪ੍ਰਮੋਸ਼ਨਲ ਵੀਡੀਓ ਦੇ ਸਵਾਲ ਦਾ ਗਲਤ ਜਵਾਬ

ਗੂਗਲ ਆਪਣੇ ਚੈਟਬੋਟ ਬਾਰਡ ਦਾ ਖੁਲਾਸਾ ਕਰਨ ਤੋਂ ਬਾਅਦ ਘਾਟੇ ਦਾ ਸਾਹਮਣਾ ਕਰ ਰਿਹਾ ਹੈ। ਇਸ ਕਾਰਨ ਬੁੱਧਵਾਰ ਨੂੰ ਗੂਗਲ ਦੀ ਪੇਰੈਂਟ ਕੰਪਨੀ ਅਲਫਾਬੇਟ ਦੇ ਸ਼ੇਅਰਾਂ ‘ਚ ਭਾਰੀ ਗਿਰਾਵਟ ਆਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਬਾਰਡ ਦੇ ਲਾਂਚ ਹੋਣ ਤੋਂ ਬਾਅਦ ਕਰੀਬ 100 ਅਰਬ ਡਾਲਰ ਯਾਨੀ 8250 ਅਰਬ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਦਾ ਕਾਰਨ ਗੂਗਲ ਦਾ ਪ੍ਰਮੋਸ਼ਨਲ ਵੀਡੀਓ ਹੈ, ਜਿਸ ‘ਚ ਇਕ ਗਲਤੀ ਨਜ਼ਰ ਆਈ ਹੈ।

ChatGPT ਨਾਲ ਮੁਕਾਬਲਾ ਕਰਨ ਲਈ ਆਪਣਾ BARD ਬਣਾਇਆ
ਗੂਗਲ ਨੇ ਚੈਟਜੀਪੀਟੀ ਨਾਲ ਮੁਕਾਬਲਾ ਕਰਨ ਲਈ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ‘ਤੇ 6 ਸਾਲ ਕੰਮ ਕਰਨ ਤੋਂ ਬਾਅਦ ਆਪਣਾ ਚੈਟਬੋਟ ‘ਬਾਰਡ’ ਜਾਰੀ ਕੀਤਾ ਹੈ। ਇੱਕ ਬਲਾਗ ਪੋਸਟ ਵਿੱਚ, ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਨੇ ਦੱਸਿਆ ਕਿ ਬਾਰਡ ਕੀ ਹੈ ਅਤੇ ਇਸ ਦੀਆਂ ਕੁਝ ਬੁਨਿਆਦੀ ਕਾਰਜਸ਼ੀਲਤਾਵਾਂ ਬਾਰੇ ਜਾਣਕਾਰੀ ਦਿੱਤੀ।