ਮਣੀਪੁਰ ‘ਚ ਸੁਰੱਖਿਆ ਬਲਾਂ ਨੇ 24 ਘੰਟਿਆਂ ‘ਚ 12 ਬੰਕਰਾਂ ਨੂੰ ਕੀਤਾ ਤਬਾਹ, 8 ਜ਼ਿਲ੍ਹਿਆਂ ‘ਚ ਸਰਚ ਆਪਰੇਸ਼ਨ

ਮਣੀਪੁਰ 26june 2023: ਰਿਜ਼ਰਵੇਸ਼ਨ ਨੂੰ ਲੈ ਕੇ ਮਣੀਪੁਰ ‘ਚ ਕੁਕੀ ਅਤੇ ਮੇਤੇਈ ਭਾਈਚਾਰਿਆਂ ਵਿਚਾਲੇ ਪਿਛਲੇ 53 ਦਿਨਾਂ ਤੋਂ ਹਿੰਸਾ ਚੱਲ ਰਹੀ ਹੈ। ਸੁਰੱਖਿਆ ਬਲਾਂ ਅਤੇ ਪੁਲਸ ਨੇ ਐਤਵਾਰ ਨੂੰ ਸੂਬੇ ਦੇ 7 ਜ਼ਿਲਿਆਂ ‘ਚ ਤਲਾਸ਼ੀ ਮੁਹਿੰਮ ਚਲਾਈ।

ਸਮਾਚਾਰ ਏਜੰਸੀ ਏਐਨਆਈ ਦੇ ਅਨੁਸਾਰ, ਮਣੀਪੁਰ ਪੁਲਿਸ ਅਤੇ ਸੁਰੱਖਿਆ ਬਲਾਂ ਨੇ ਪਿਛਲੇ 24 ਘੰਟਿਆਂ ਵਿੱਚ ਇਹਨਾਂ ਜ਼ਿਲ੍ਹਿਆਂ ਵਿੱਚ ਹਿੰਸਾ ਫੈਲਾਉਣ ਵਾਲੇ ਲੋਕਾਂ ਦੇ 12 ਬੰਕਰਾਂ ਨੂੰ ਤਬਾਹ ਕਰ ਦਿੱਤਾ ਹੈ। ਪੁਲਿਸ ਨੇ ਉਨ੍ਹਾਂ ਨੂੰ ਅਤਿਵਾਦੀ ਕਿਹਾ ਹੈ।

ਸੁਰੱਖਿਆ ਬਲਾਂ ਨੇ ਤਾਮੇਂਗਲੋਂਗ, ਇੰਫਾਲ ਈਸਟ, ਬਿਸ਼ਨੂਪੁਰ, ਕਾਂਗਪੋਕਪੀ, ਚੁਰਾਚੰਦਪੁਰ ਅਤੇ ਕਾਕਚਿੰਗ ਜ਼ਿਲ੍ਹਿਆਂ ਵਿੱਚ ਸਾਂਝੇ ਆਪਰੇਸ਼ਨ ਚਲਾਏ ਅਤੇ ਪਹਾੜੀ ਅਤੇ ਘਾਟੀ ਦੋਵਾਂ ਵਿੱਚ ਇਨ੍ਹਾਂ ਬੰਕਰਾਂ ਨੂੰ ਤਬਾਹ ਕਰ ਦਿੱਤਾ।

ਮਣੀਪੁਰ ਹਿੰਸਾ ‘ਤੇ 24 ਜੂਨ ਨੂੰ ਹੋਈ ਸਰਬ ਪਾਰਟੀ ਬੈਠਕ ‘ਚ ਗ੍ਰਹਿ ਮੰਤਰਾਲੇ ਨੇ ਦੱਸਿਆ ਕਿ ਹਿੰਸਾ ‘ਚ ਹੁਣ ਤੱਕ 131 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 419 ਲੋਕ ਜ਼ਖਮੀ ਹੋਏ ਹਨ।

ਅੱਗਜ਼ਨੀ ਦੀਆਂ 5 ਹਜ਼ਾਰ ਤੋਂ ਵੱਧ ਘਟਨਾਵਾਂ ਹੋ ਚੁੱਕੀਆਂ ਹਨ। ਕਰੀਬ 6,000 ਮਾਮਲੇ ਦਰਜ ਕੀਤੇ ਗਏ ਹਨ ਅਤੇ 144 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਸੂਬੇ ਵਿੱਚ 36 ਹਜ਼ਾਰ ਸੁਰੱਖਿਆ ਮੁਲਾਜ਼ਮ ਅਤੇ 40 ਆਈਪੀਐਸ ਤਾਇਨਾਤ ਕੀਤੇ ਗਏ ਹਨ।

ਭਾਰੀ ਮਾਤਰਾ ‘ਚ ਅਸਲਾ ਬਰਾਮਦ
ਪੁਲਸ ਨੇ ਦੱਸਿਆ ਕਿ ਤਲਾਸ਼ੀ ਮੁਹਿੰਮ ਦੌਰਾਨ ਸਾਹਮਫਾਈ ਪਿੰਡ ਦੇ ਖੇਤਾਂ ‘ਚੋਂ ਤਿੰਨ 51 ਐਮਐਮ ਮੋਰਟਾਰ ਅਤੇ 84 ਐਮਐਮ ਮੋਰਟਾਰ ਦੇ ਗੋਲੇ ਮਿਲੇ ਹਨ।

ਕਨਵਾਵਾਈ ਅਤੇ ਐਸ ਕੋਟਲੀਆ ਪਿੰਡ ਦੇ ਵਿਚਕਾਰ ਇੱਕ ਖੇਤ ਵਿੱਚ ਇੱਕ ਆਈਈਡੀ ਵੀ ਮਿਲਿਆ ਹੈ। ਉਹ ਤਬਾਹ ਹੋ ਗਏ ਹਨ।

ਪੁਲਿਸ ਨੇ ਦੱਸਿਆ ਕਿ ਪਿਛਲੇ ਦੋ ਮਹੀਨਿਆਂ ਵਿੱਚ ਸੂਬੇ ਦੇ ਵੱਖ-ਵੱਖ ਖੇਤਰਾਂ ਤੋਂ 1100 ਹਥਿਆਰ, 13,702 ਗੋਲਾ ਬਾਰੂਦ ਅਤੇ 250 ਬੰਬ ਜ਼ਬਤ ਕੀਤੇ ਗਏ ਹਨ।