PG ‘ਚ MMS ਕਾਂਡ : BF ਦੇ ਕਹਿਣ ‘ਤੇ ਬਾਥਰੂਮ ‘ਚ ਲਗਾਇਆ ਕੈਮਰਾ

ਚੰਡੀਗੜ੍ਹ 29 ਨਵੰਬਰ 2023:  ਪੀ.ਜੀ. ‘ਚ ਰਹਿਣ ਵਾਲੀ ਲੜਕੀ ਨੇ ਬਾਥਰੂਮ ‘ਚ ਗੀਜ਼ਰ ਦੇ ਉੱਪਰ ਲਗਾਇਆ ਕੈਮਰਾ, ਇਹ ਘਟਨਾ ਚੰਡੀਗੜ੍ਹ ਦੇ ਸੈਕਟਰ-22 ਦੀ ਹੈ| ਜਿਥੇ ਇਕ ਲੜਕੀ ਦੇ ਵੱਲੋਂ PG ਦੇ ਬਾਥਰੂਮ ਚ ਕੈਮਰਾ ਲਗਾਇਆ ਜਾਂਦਾ ਹੈ| ਤਾਂ ਜੋ ਉਹ ਲੜਕੀਆਂ ਦੀਆਂ ਅਸ਼ਲੀਲ ਵੀਡੀਓਜ਼ ਆਪਣੇ ਬੁਆਏਫ੍ਰੈਂਡ ਨੂੰ ਭੇਜ ਸਕੇ। ਪੀ.ਜੀ. ‘ਚ ਰਹਿਣ ਵਾਲੀ ਇਕ ਹੋਰ ਲੜਕੀ ਨੇ ਕੈਮਰਾ ਦੇਖਿਆ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ।

ਸੈਕਟਰ-17 ਥਾਣਾ ਪੁਲਸ ਨੇ ਮੌਕੇ ‘ਤੇ ਪਹੁੰਚ ਕੇ ਬਾਥਰੂਮ ‘ਚ ਰੱਖਿਆ ਕੈਮਰਾ ਲੱਭ ਕੇ ਲੜਕੀ ਅਤੇ ਉਸ ਦੇ ਪ੍ਰੇਮੀ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਮੋਬਾਇਲ ਫੋਨ ਜ਼ਬਤ ਕਰ ਲਿਆ। ਲੜਕੀ ਦੀ ਸ਼ਿਕਾਇਤ ‘ਤੇ ਥਾਣਾ ਸਦਰ ਦੀ ਪੁਲਸ ਨੇ ਸੈਕਟਰ-20 ਨਿਵਾਸੀ ਅਮਿਤ ਹਾਂਡਾ ਅਤੇ ਉਸ ਦੇ ਦੋਸਤ ਖਿਲਾਫ ਮਾਮਲਾ ਦਰਜ ਕਰਕੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਗੈਰ-ਜ਼ਮਾਨਤੀ ਧਾਰਾਵਾਂ ਲਗਾਉਣ ਦੀ ਤਿਆਰੀ ਕਰ ਰਹੀ ਹੈ।

26 ਨਵੰਬਰ ਨੂੰ ਬਾਥਰੂਮ ਵਿੱਚ ਗੀਜ਼ਰ ਦੇ ਉੱਪਰ ਇੱਕ ਕਾਲੇ ਰੰਗ ਦਾ ਯੰਤਰ ਦੇਖਿਆ ਗਿਆ। ਲੜਕੀ ਨੇ ਤੁਰੰਤ ਆਪਣੀਆਂ ਸਹੇਲੀਆਂ ਨੂੰ ਬੁਲਾਇਆ ਅਤੇ ਸਟੂਲ ‘ਤੇ ਚੜ੍ਹ ਕੇ ਦੇਖਿਆ ਕਿ ਉਥੇ ਕੈਮਰਾ ਲੱਗਾ ਹੋਇਆ ਹੈ। ਲੜਕੀ ਨੇ ਸਭ ਤੋਂ ਪਹਿਲਾਂ ਮਕਾਨ ਮਾਲਕ ਨੂੰ ਮਾਮਲੇ ਦੀ ਜਾਣਕਾਰੀ ਦਿੱਤੀ। ਮਕਾਨ ਮਾਲਕ ਨੇ ਜਾਣਕਾਰੀ ਹੋਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ।