ਹੁਣ ਸ਼ੰਭੂ ਬਾਰਡਰ ‘ਤੇ ਔਰਤਾਂ ਸੰਭਾਲਣਗੀਆਂ ਧਰਨਾ

Farmer Protest: ਪੰਜਾਬ ਦੇ ਕਿਸਾਨ ਆਪਣੀਆਂ ਮੰਗਾਂ ਨੂੰ ਲੈ ਕੇ ਸ਼ੰਭੂ ਬਾਰਡਰ ‘ਤੇ ਖੜ੍ਹੇ ਹਨ ਪਰ ਹੁਣ ਕਿਸਾਨ ਔਰਤਾਂ ਸ਼ੰਭੂ ਬਾਰਡਰ ‘ਤੇ ਮੋਰਚੇ ਦੀ ਕਮਾਨ ਸੰਭਾਲਣਗੀਆਂ। ਦੱਸਿਆ ਜਾ ਰਿਹਾ ਹੈ ਕਿ ਖੇਤਾਂ ਵਿਚ ਵਾਢੀ ਦਾ ਸਮਾਂ ਆ ਰਿਹਾ ਹੈ, ਇਸ ਲਈ ਕਿਸਾਨ ਖੇਤਾਂ ਵਿਚ ਪਰਤਣਗੇ ਅਤੇ ਔਰਤਾਂ ਸਰਹੱਦ ‘ਤੇ ਰਹਿਣਗੀਆਂ। ਇਸ ਸਬੰਧੀ ਅੱਜ ਕਿਸਾਨ ਬੀਬੀਆਂ ਅੰਮ੍ਰਿਤਸਰ ਰੇਲਵੇ ਸਟੇਸ਼ਨ ’ਤੇ ਇਕੱਠੀਆਂ ਹੋਈਆਂ ਹਨ ਜਿੱਥੋਂ ਉਹ ਸ਼ੰਭੂ ਸਰਹੱਦ ਲਈ ਰਵਾਨਾ ਹੋਣਗੀਆਂ। ਕਿਸਾਨ ਆਗੂ ਪੰਧੇਰ ਨੇ ਦੱਸਿਆ ਕਿ 800 ਤੋਂ 1000 ਕਿਸਾਨ ਔਰਤਾਂ ਸ਼ੰਭੂ ਸਰਹੱਦ ਵੱਲ ਰਵਾਨਾ ਹੋ ਰਹੀਆਂ ਹਨ।