Punjab
ਪਾਣੀ ਮੰਗਣ ਦੇ ਬਹਾਨੇ ਬਜ਼ੁਰਗ ਦੀਆਂ ਝੱਪਟੀਆਂ ਬਾਲੀਆਂ
ਲੁਧਿਆਣਾ : ਲੁਧਿਆਣਾ ਦੇ ਸਮਰਾਲਾ ਇਲਾਕੇ ਵਿਚ ਆਏ ਦਿਨ ਲੁੱਟਾਂ ਦੇ ਮਾਮਲੇ ਵੱਧਦੇ ਜਾ ਰਹੇ ਹਨ। ਛੋਟੀਆਂ-ਛੋਟੀਆਂ ਚੋਰੀਆਂ ਦੀ ਗਿਣਤੀ ਬਹੁਤ ਵੱਧ ਗਈ ਹੈ। ਇਨ੍ਹਾਂ ਛੋਟੀ ਛੋਟੀ ਚੋਰੀਆਂ ਪੁਲਿਸ ਰਿਕਾਰਡ ਵਿਚ ਵੀ ਨਹੀਂ ਆਉਂਦੀਆਂ।
ਪਾਣੀ ਪੀਣ ਦੇ ਬਹਾਨੇ ਲੁੱਟੀਆਂ ਬਾਲੀਆਂ
ਜਾਣਕਾਰੀ ਮੁਤਾਬਕ ਪਤਾ ਚੱਲਾ ਹੈ ਕਿ ਸਮਰਾਲਾ ਦੇ ਡੱਬੀ ਬਜ਼ਾਰ ਨੇੜੇ ਢਿੱਲੋਂ ਮੁੱਹਲੇ ਦੇ ਇਕ ਬੇਸਹਾਰਾ ਬਜ਼ੁਰਗ ਔਰਤ ਜਿਨ੍ਹਾਂ ਦੀ ਪਛਾਣ ਸੁਰਿੰਦਰਾ (82) ਪਤਨੀ ਨਸੀਬ ਚੰਦ ਦੱਸੀ ਜਾ ਰਹੀ ਹੈ ਉਸ ਦੀਆਂ ਬੀਤੀ ਰਾਤ ਇਕ ਵਿਅਕਤੀ ਨੇ ਬਾਲੀਆਂ ਖੋਹ ਲਈਆਂ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਬਜ਼ੁਰਗ ਔਰਤ ਆਪਣੇ ਤਿੰਨੋ ਪੁੱਤਰਾਂ ਦੀ ਮੌਤ ਤੋਂ ਬਾਅਦ ਘਰ ਵਿਚ ਇਕੱਲੀ ਰਹਿ ਰਹਿੰਦੀ ਸੀ।
ਬੀਤੀ ਰਾਤ ਸਾਢੇ ਅੱਠ ਵਜੇ ਦੇ ਕਰੀਬ ਉਹ ਰੋਟੀ ਖਾ ਰਹੀ ਸੀ। ਉਸੇ ਵੇਲੇ ਉਸ ਦੇ ਘਰ 1 ਨੌਜਵਾਨ ਪਾਣੀ ਪੀਣ ਦੇ ਬਹਾਨੇ ਆਇਆ ਤੇ ਝਪੱਟਾ ਮਾਰ ਕੇ ਉਸ ਦੀਆਂ ਬਾਲੀਆਂ ਕੱਢ ਕੇ ਫਰਾਰ ਹੋ ਗਿਆ।
ਪੁਲਿਸ ਨੂੰ ਦਿੱਤੀ ਸੂਚਨਾ
ਪੀੜਤ ਸੁਰਿੰਦਰਾ ਨੇ ਪੂਰੀ ਵਾਰਦਾਤ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਪੁਲਿਸ ਦੁਆਰਾ ਪੂਰੀ ਸੁਣਵਾਈ ਤੋਂ ਬਾਅਦ ਮਾਮਲਾ ਦਰਜ ਕਰਕੇ ਲੁਟੇਰੇ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।
