PM ਮੋਦੀ 10 ਲੋਕ ਸਭਾ ਹਲਕਿਆਂ ਦੇ ਬੂਥ ਵਰਕਰਾਂ ਨੂੰ ਕਰਨਗੇ ਸੰਬੋਧਨ

PM NARENDRA MODI: ਬੁੱਧਵਾਰ ਯਾਨੀ ਅੱਜ (3 ਅਪ੍ਰੈਲ)ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉੱਤਰ ਪ੍ਰਦੇਸ਼ ਵਿੱਚ ਤੀਜੇ ਪੜਾਅ ਦੀਆਂ ਚੋਣਾਂ ਦੇ ਤਹਿਤ ਆਉਣ ਵਾਲੀਆਂ 10 ਲੋਕ ਸਭਾ ਸੀਟਾਂ ਦੇ ਸਾਰੇ ਬੂਥਾਂ ‘ਤੇ ਨਮੋ ਐਪ ਰਾਹੀਂ ਹੋਣ ਵਾਲੀ ਨਮੋ ਰੈਲੀ ਨੂੰ ਸੰਬੋਧਨ ਕਰਨਗੇ। ਇਸ ਮੌਕੇ ਉਹ ਕੁਝ ਬੂਥ ਪ੍ਰਧਾਨਾਂ ਨਾਲ ਵੀ ਗੱਲਬਾਤ ਕਰਨਗੇ।

ਸੂਬਾ ਜਨਰਲ ਸਕੱਤਰ ਸੰਜੇ ਰਾਏ ਨੇ ਦੱਸਿਆ ਕਿ ਤੀਜੇ ਪੜਾਅ ‘ਚ ਸੰਭਲ, ਬਦਾਊਂ, ਬਰੇਲੀ, ਔਨਲਾ, ਏਟਾ, ਹਾਥਰਸ, ਆਗਰਾ, ਫਤਿਹਪੁਰ ਸੀਕਰੀ, ਫਿਰੋਜ਼ਾਬਾਦ ਅਤੇ ਮੈਨਪੁਰੀ ‘ਚ ਵੋਟਿੰਗ ਹੋਣੀ ਹੈ। ਇੱਥੇ 7 ਮਈ ਨੂੰ ਵੋਟਿੰਗ ਹੋਵੇਗੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਨ੍ਹਾਂ ਸਾਰੀਆਂ ਲੋਕ ਸਭਾ ਸੀਟਾਂ ਦੇ 22,648 ਬੂਥਾਂ ‘ਤੇ ਦੁਪਹਿਰ 1 ਵਜੇ ਨਮੋ ਐਪ ਰਾਹੀਂ ਵਰਕਰਾਂ ਨਾਲ ਜੁੜਨਗੇ।