ਪੰਜਾਬ ਪੁਲਿਸ ਨੇ ਦੇਸ਼ ਦਾ ਪਹਿਲਾ ਸਮਾਰਟ ਬੈਰੀਕੇਡ ਪਾਇਲਟ ਪ੍ਰੋਜੈਕਟ ਮੋਹਾਲੀ ਤੋਂ ਕੀਤਾ ਸ਼ੁਰੂ…

ਮੋਹਾਲੀ 21ਅਗਸਤ 2023:  ਪੰਜਾਬ ਪੁਲਿਸ ਨੇ ਦੇਸ਼ ਦਾ ਪਹਿਲਾ ਸਮਾਰਟ ਬੈਰੀਕੇਡ ਪਾਇਲਟ ਪ੍ਰੋਜੈਕਟ ਸ਼ੁਰੂ ਕਰ ਦਿੱਤਾ ਹੈ, ਓਥੇ ਹੀ ਦੱਸ ਦੇਈਏ ਕਿ ਇਹ ਪ੍ਰੋਜੈਕਟ 360 ਡਿਗਰੀ ਸੀਸੀਟੀਵੀ ਦੇ ਨਾਲ-ਨਾਲ ਸੋਲਰ ਪੈਨਲਾਂ ਨਾਲ ਕੰਮ ਕਰੇਗਾ। ਪੰਜਾਬ ਵਿੱਚ ਇਸ ਦੀ ਸ਼ੁਰੂਆਤ ਮੁਹਾਲੀ ਜ਼ਿਲ੍ਹੇ ਤੋਂ ਕੀਤੀ ਗਈ ਹੈ। ਜਲਦੀ ਹੀ ਇਸ ਨੂੰ ਹੋਰ ਜ਼ਿਲ੍ਹਿਆਂ ਵਿੱਚ ਵੀ ਸ਼ੁਰੂ ਕੀਤਾ ਜਾਵੇਗਾ।

ਚੰਡੀਗੜ੍ਹ ਦੀ ਪੁਲਿਸ ਦੇਸ਼ ਦੀ ਸਭ ਤੋਂ ਹਾਈਟੈਕ ਪੁਲਿਸ ਮੰਨੀ ਜਾਂਦੀ ਹੈ। ਪਰ ਹੁਣ ਮੋਹਾਲੀ ਪੁਲਿਸ ਅੱਗੇ ਵੱਧਦੀ ਨਜ਼ਰ ਆ ਰਹੀ ਹੈ। ਸ਼ਹਿਰ ਵਿੱਚ ਸੂਰਜੀ ਊਰਜਾ ਨਾਲ ਚੱਲਣ ਵਾਲੇ ਬੈਰੀਕੇਡ ਲਗਾਏ ਜਾ ਰਹੇ ਹਨ। ਇਨ੍ਹਾਂ ਵਿੱਚ ਸੀਸੀਟੀਵੀ ਕੈਮਰੇ ਵੀ ਲਗਾਏ ਗਏ ਹਨ।ਜੋ 360 ਡਿਗਰੀ ਤੱਕ ਘੁੰਮ ਕੇ ਫੋਟੋਆਂ ਖਿੱਚ ਸਕਦੇ ਹਨ। ਜੇਕਰ ਕੋਈ ਅਪਰਾਧੀ ਬੈਰੀਕੇਡ ਤੋੜ ਕੇ ਭੱਜਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਹ ਵੀ ਉਸ ਵਿੱਚ ਦਰਜ ਹੋਵੇਗਾ।