ਅਭਿਨਵ-ਰੂਬੀਨਾ ਦਿਲੈਕ ਨੇ ਬਿੱਗ ਬੌਸ 14 ਦੀ ਟਰਾਫੀ ਜਿੱਤਣ ਤੋਂ ਪਹਿਲਾਂ ਜਿੱਤਿਆ ਇਹ ਟਾਈਟਲ

ਫੈਨਜ਼ ਨੂੰ ਜਲਦੀ ਹੀ ਬਿੱਗ ਬੌਸ 14 ਦਾ ਵਿਨਰ ਮਿਲਣ ਵਾਲਾ ਹੈ। ਇਹ ਸ਼ੋਅ ਤੇਜ਼ੀ ਨਾਲ ਫਿਨਾਲੇ ਵੱਲ ਵੱਧ ਰਿਹਾ ਹੈ। ਜਿੱਤ ਨੂੰ ਲੈ ਕੇ ਕੰਟੈਸਟੈਂਟ ਵਿਚਕਾਰ ਕਾਫੀ ਟਕਰਾਅ ਦੇਖਣ ਨੂੰ ਮਿਲ ਰਿਹਾ ਹੈ। ਸ਼ੋਅ ’ਚ ਹੁਣ ਫਿਨਾਲੇ ਤਕ ਜਾਣ ਲਈ 5 ਫਾਈਨਲਿਸਟ ਅਲੀ ਗੋਨੀ, ਰਾਹੁਲ ਵੈਦ, ਰੂਬੀਨਾ ਦਿਲੈਕ, ਰਾਖੀ ਸਾਵੰਤ ਅਤੇ ਨਿੱਕੀ ਤੰਬੋਲੀ ਬਚੇ ਹਨ। ਇਨ੍ਹਾਂ ਸਾਰਿਆਂ ’ਚ ਤਕੜਾ ਮੁਕਾਬਲਾ ਚੱਲ ਰਿਹਾ ਹੈ। ਅਗਰ ਦੇਖਿਆ ਜਾਵੇ ਤਾਂ ਸਭ ਹੀ ਸ਼ੋਅ ‘ਚ ਆਪਣਾ ਬਹੁਤ ਵਧੀਆ ਪ੍ਰਦਰਸ਼ਨ ਦੇ ਰਹੇ ਹਨ। ਸਭ ਹੀ ਨੇ ਇਕ ਦੂਜੇ ਨੂੰ ਬਹੁਤ ਵਧੀਆ ਤਰੀਕੇ ਨਾਲ ਟੱਕਰ ਦਿੱਤੀ।

ਬਿੱਗ ਬੌਸ 14 ਦੇ ਘਰ ’ਚ ਕਈ ਜੋੜੀਆਂ ਜਿਵੇਂ ਪਵਿੱਤਰਾ ਪੁੰਨਿਆ ਅਤੇ ਏਜਾਜ਼ ਖ਼ਾਨ, ਅਲੀ ਗੋਨੀ ਅਤੇ ਜੈਸਮਿਨ ਭਸੀਨ, ਰੂਬੀਨਾ ਦਿਲੈਕ ਅਤੇ ਅਭਿਨਵ ਸ਼ੁਕਲਾ ਦੀ ਜੋੜੀ ਨੂੰ ਫੈਨਜ਼ ਨੇ ਕਾਫੀ ਪਸੰਦ ਕੀਤਾ। ਪਰ ਬੈਸਟ ਜੋੜੀ ਦਾ ਖ਼ਿਤਾਬ ਆਪਣੇ ਨਾਮ ਕੀਤਾ ਰੂਬੀਨਾ ਦਿਲੈਕ ਅਤੇ ਅਭਿਨਵ ਸ਼ੁਕਲਾ ਨੇ। ਇਨ੍ਹਾਂ ਦੋਵਾਂ ਨੇ ਦਰਸ਼ਕਾਂ ਦੇ ਦਿਲ ਨੂੰ ਇੰਨਾ ਲੁਭਾਇਆ ਕਿ ਇਨ੍ਹਾਂ ਨੂੰ ਬਿੱਗ ਬੌਸ 14 ਦੀ ਬੈਸਟ ਜੋੜੀ ਦਾ ਖ਼ਿਤਾਬ ਦਿੱਤਾ ਗਿਆ। ਇਸ ਗੱਲ ਤੋਂ ਅਭਿਨਵ ਸ਼ੁਕਲਾ ਕਾਫੀ ਭਾਵੁਕ ਹੋ ਗਏ।

ਅਭਿਨਵ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਪੋਸਟ ਸ਼ੇਅਰ ਕਰਕੇ ਫੈਨਜ਼ ਨੂੰ ਇਸ ਗੱਲ ਦੀ ਜਾਣਕਾਰੀ ਦਿੱਤੀ। ਨਾਲ ਹੀ ਇਕ ਇਮੋਸ਼ਨਲ ਪੋਸਟ ਵੀ ਕਰਦੇ ਹੋਏ ਰਿਸ਼ਤੇ ਨੂੰ ਲੈ ਕੇ ਗੱਲ ਕਹੀ ਹੈ। ਉਨ੍ਹਾਂ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਰਸਤੇ ’ਚ ਆਈਆਂ ਮੁਸ਼ਕਲਾਂ ਨੂੰ ਦੂਰ ਕਰਨ ਤੋਂ ਬਾਅਦ ਦੋਵਾਂ ਵਿਚਕਾਰ ਬਾਂਡਿੰਗ ਹੋਰ ਮਜ਼ਬੂਤ ਹੋਈ ਹੈ। ‘ਵੀਕੈਂਡ ਕਾ ਵਾਰ’ ਹਰ ਵਾਰ ਸਾਨੂੰ ਹੋਰ ਮਜ਼ਬੂਤੀ ਦਿੰਦਾ ਗਿਆ ਅਤੇ ਅਸੀਂ ਇਕ-ਦੂਸਰੇ ਦੇ ਹੋਰ ਕਰੀਬ ਆਉਂਦੇ ਹਏ। ਬੱਸ ਸਾਡੇ ਦੋਵਾਂ ’ਚ ਇਹ ਖ਼ਾਸ ਗੱਲ ਸੀ ਕਿ ਕੋਈ ਵੀ ਗਿਵ-ਅਪ ਲਈ ਤਿਆਰ ਨਹੀਂ ਸੀ, ਦੋਵਾਂ ਨੇ ਹਰ ਵਾਰ ਡਿੱਗਣ ਤੋਂ ਬਾਅਦ ਫਿਰ ਤੋਂ ਉੱਠਣ ਦਾ ਹੀ ਯਤਨ ਕੀਤਾ।’ ਇਸ ਪੋਸਟ ’ਤੇ ਕੁਮੈਂਟ ਕਰਕੇ ਫੈਨਜ਼ ਦੋਵਾਂ ਨੂੰ ਵਧਾਈ ਦੇ ਰਹੇ ਹਨ।