National
ਜਲਦ ਟੁੱਟੇਗੀ ਸਲਮਾਨ ਖਾਨ ਦੀ ਹਉਮੈ, ਲਾਰੇਂਸ ਬਿਸ਼ਨੋਈ ਨੇ ਦਿੱਤੀ ਧਮਕੀ,ਐਕਟਰ ਦੀ ਵਧਾਈ ਸੁਰੱਖਿਆ
ਬਾਲੀਵੁੱਡ ਅਭਿਨੇਤਾ ਸਲਮਾਨ ਖਾਨ ਨੂੰ ਗੈਂਗਸਟਰ ਲਾਰੇਂਸ ਬਿਸ਼ਨੋਈ ਤੋਂ ਮਿਲੀ ਤਾਜ਼ਾ ਧਮਕੀ ਦੇ ਮੱਦੇਨਜ਼ਰ, ਮੁੰਬਈ ਪੁਲਿਸ ਨੇ ਅਦਾਕਾਰ ਦੀ ਸੁਰੱਖਿਆ ਵਧਾ ਦਿੱਤੀ ਹੈ। ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕੇਸ ਦੇ ਮੁੱਖ ਦੋਸ਼ੀ ਲਾਰੈਂਸ ਨੂੰ ਜੇਲ੍ਹ ਦੇ ਅੰਦਰ ਇੱਕ ਇੰਟਰਵਿਊ ਦੌਰਾਨ ਧਮਕੀ ਦਿੰਦੇ ਹੋਏ ਦੇਖਿਆ ਗਿਆ ਕਿ ਸਲਮਾਨ ਮਾਫੀ ਮੰਗੇ ਜਾਂ ਨਤੀਜੇ ਭੁਗਤਣ।
ਲਾਰੇਂਸ ਨੇ ਇਹ ਵੀ ਕਿਹਾ ਸੀ ਕਿ ‘ਜਲਦੀ ਜਾਂ ਬਾਅਦ ਵਿਚ ਉਹ ਸਲਮਾਨ ਦੀ ਹਉਮੈ ਨੂੰ ਤੋੜ ਦੇਵੇਗਾ।’ ਪੁਲਿਸ ਨੇ ਸਲਮਾਨ ਖਾਨ ਦੀ ਸੁਰੱਖਿਆ ਦੀ ਸਮੀਖਿਆ ਸ਼ੁਰੂ ਕਰ ਦਿੱਤੀ ਹੈ। ਸਮੀਖਿਆ ਤੋਂ ਬਾਅਦ ਸਲਮਾਨ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਜੂਨ ਵਿੱਚ ਅਦਾਕਾਰ ਨੂੰ ਇੱਕ ਬਿਨਾਂ ਦਸਤਖ਼ਤੀ ਪੱਤਰ ਮਿਲਿਆ ਸੀ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਉਨ੍ਹਾਂ ਦੀ ਮੌਤ ਵੀ ਗਾਇਕ ਮੂਸੇਵਾਲਾ ਵਾਂਗ ਹੀ ਹੋਵੇਗੀ। ਧਮਕੀ ਤੋਂ ਬਾਅਦ ਸਲਮਾਨ ਨੂੰ Y+ ਸੁਰੱਖਿਆ ਦਿੱਤੀ ਗਈ ਅਤੇ ਬੰਦੂਕ ਦਾ ਲਾਇਸੈਂਸ ਵੀ ਦਿੱਤਾ ਗਿਆ।
