ਪੰਜਾਬ ਦੇ ਇਸ ਇਲਾਕੇ ‘ਚ ਮਿਲੀ ਅਜਿਹੀ ਚੀਜ਼, ਪੁਲਿਸ ਨੂੰ ਪਈਆਂ ਭਾਜੜਾਂ!

ਇਸ ਸਮੇਂ ਵੱਡੀ ਖ਼ਬਰ ਲੁਧਿਆਣਾ ਦੇ ਦੋਰਾਹਾ ਤੋਂ ਸਾਹਮਣੇ ਆ ਰਹੀ ਹੈ, ਜਿੱਥੇ ਇਕ ਬੰਬ ਵਰਗੀ ਚੀਜ਼ ਮਿਲਣ ਨਾਲ ਲੋਕਾਂ ਵਿਚਾਲੇ ਦਹਿਸ਼ਤ ਫ਼ੈਲ ਗਈ। ਇਹ ਖਾਲੀ ਪਲਾਟ ‘ਚ ਡਿੱਗੀ ਹੋਈ ਸੀ। ਪੁਲਿਸ ਨੇ ਇਲਾਕੇ ਨੂੰ ਸੀਲ ਕਰ ਦਿੱਤਾ ਤੇ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਜਾਰੀ ਹੈ। ਇੱਥੇ ਪਤਾ ਲੱਗਿਆ ਹੈ ਕਿ ਜਿਸ ਖਾਲੀ ਪਲਾਟ ਤੋਂ ਇਹ ਵਸਤੂ ਮਿਲੀ ਹੈ, ਉਸਦੇ ਨੇੜੇ ਇੱਕ ਫੌਜੀ ਕੈਂਪ ਹੈ। ਇੱਥੇ ਫੌਜੀ ਸਿਖਲਾਈ ਕੈਂਪ ਲਗਾਏ ਜਾਂਦੇ ਹਨ।

ਮਿਲੀ ਜਾਣਕਾਰੀ ਮੁਤਾਬਕ ਬੀਤੀ ਰਾਤ ਲੁਧਿਆਣਾ ਦੇ ਦੋਰਾਹਾ ਇਲਾਕੇ ਵਿਚ ਇਕ ਖਾਲੀ ਪਲਾਟ ਵਿੱਚੋਂ ਬੰਬ ਵਰਗੀ ਚੀਜ਼ ਮਿਲਣ ਤੋਂ ਬਾਅਦ ਸਨਸਨੀ ਫੈਲ ਗਈ। ਜਿਵੇਂ ਹੀ ਪੁਲਸ ਨੂੰ ਇਸ ਬਾਰੇ ਜਾਣਕਾਰੀ ਮਿਲੀ, ਇਲਾਕੇ ਨੂੰ ਸੀਲ ਕਰ ਦਿੱਤਾ ਗਿਆ। ਪੁਲਿਸ ਤੁਰੰਤ ਉੱਥੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਅਤੇ ਬੰਬ ਨਿਰੋਧਕ ਦਸਤੇ ਨੂੰ ਬੁਲਾਇਆ ਗਿਆ। ਇਹ ਦਸਤਾ ਜਾਂਚ ਕਰੇਗਾ ਕਿ ਇਹ ਚੀਜ਼ ਕੀ ਹੈ ਅਤੇ ਇਸ ਦਾ ਅੱਗੇ ਕੀ ਕਰਨਾ ਹੈ।

ਦੂਜੇ ਪਾਸੇ ਦੋਰਾਹਾ ਪੁਲਸ ਸਟੇਸ਼ਨ ਦੇ ਐੱਸ.ਐੱਚ.ਓ. ਰਾਓ ਵਰਿੰਦਰ ਸਿੰਘ ਨੇ ਕਿਹਾ ਕਿ ਜਿਸ ਖਾਲੀ ਪਲਾਟ ਤੋਂ ਇਹ ਵਸਤੂ ਮਿਲੀ ਹੈ, ਉਸਦੇ ਨੇੜੇ ਇੱਕ ਫੌਜੀ ਕੈਂਪ ਹੈ। ਇੱਥੇ ਫੌਜੀ ਸਿਖਲਾਈ ਕੈਂਪ ਲਗਾਏ ਜਾਂਦੇ ਹਨ। ਪਹਿਲੀ ਨਜ਼ਰ ਤੋਂ ਲੱਗਦਾ ਹੈ ਕਿ ਇਹ ਵਸਤੂ ਬੰਬ ਵਰਗੀ ਨਹੀਂ ਹੈ। ਇਹ ਲੋਹੇ ਵਰਗੀ ਲੱਗਦੀ ਹੈ। ਕਿਸੇ ਭਾਰੀ ਵਾਹਨ ਦਾ ਹਿੱਸਾ ਲੱਗਦਾ ਹੈ। ਕਿਸੇ ਵੀ ਅਣਸੁਖਾਵੀਂ ਘਟਨਾ ਨੂੰ ਰੋਕਣ ਲਈ ਬੰਬ ਨਿਰੋਧਕ ਦਸਤੇ ਨੂੰ ਬੁਲਾਇਆ ਗਿਆ ਹੈ। ਉਹ ਜਾਂਚ ਕਰਨਗੇ ਕਿ ਇਹ ਚੀਜ਼ ਕੀ ਹੈ।

ਦੋਰਾਹਾ ਪੁਲਸ ਸਟੇਸ਼ਨ ਦੇ ਐੱਸ.ਐੱਚ.ਓ. ਰਾਓ ਵਰਿੰਦਰ ਸਿੰਘ ਨੇ ਕਿਹਾ ਕਿ ਇਹ ਪਤਾ ਲਗਾਉਣ ਲਈ ਨੇੜਲੇ ਕੈਮਰਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਹ ਚੀਜ਼ ਪਲਾਟ ‘ਚ ਇੱਥੇ ਕਿਵੇਂ ਆਈ। ਜੇਕਰ ਇਹ ਸਾਬਿਤ ਹੋ ਜਾਂਦਾ ਹੈ ਕਿ ਕਿਸੇ ਨੇ ਸਨਸਨੀ ਫੈਲਾਉਣ ਦੇ ਇਰਾਦੇ ਨਾਲ ਇਹ ਚੀਜ਼ ਸੁੱਟੀ ਹੈ, ਤਾਂ ਉਸ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ। ਪਰ ਫਿਲਹਾਲ ਅਜਿਹੀ ਕੋਈ ਗੱਲ ਸਾਹਮਣੇ ਨਹੀਂ ਆਈ ਹੈ।