ਸੰਨੀ ਦਿਓਲ ਦੀ ਚਮਕੀ ਕਿਸਮਤ,ਫਿਲਮ ‘ਚ ਕਿਰਦਾਰ ਨਿਭਾਉਣ ਲਈ ਲੈਣਗੇ 45 ਕਰੋੜ

28 ਅਕਤੂਬਰ 2023: ਇਕ ਸਮਾਂ ਸੀ ਜਦੋਂ ਸੰਨੀ ਦਿਓਲ ਨੂੰ ਇਸ ਗੱਲ ਦੀ ਚਿੰਤਾ ਸੀ ਕਿ ਲੋਕ ਉਨ੍ਹਾਂ ਨੂੰ ਫਿਲਮਾਂ ‘ਚ ਪਸੰਦ ਕਿਉ ਨਹੀਂ ਕਰ ਰਹੇ ਹਨ| ਲੇਕਿਨ ‘ਗਦਰ 2’ ਰਿਲੀਜ਼ ਹੋਣ ਤੋਂ ਬਾਅਦ ਉਹਨਾਂ ਨੇ ਫ਼ਿਰ ਤੋਂ ਹਿੰਦੀ ਸਿਨੇਮਾ ‘ਚ ਜ਼ਬਰਦਸਤ ਵਾਪਸੀ ਕੀਤੀ ਅਤੇ ਅੱਜ ਉਹ ਹਿੰਦੀ ਫ਼ਿਲਮਾਂ ਦੀ ਸਭ ਤੋਂ ਹੌਟ ਪ੍ਰਾਪਰਟੀ ਬਣ ਗਏ। ਮੀਡੀਆ ਰਿਪੋਰਟਾਂ ਮੁਤਾਬਕ ਸੰਨੀ ਨੂੰ ਨਿਰਦੇਸ਼ਕ ਨਿਤੀਸ਼ ਤਿਵਾਰੀ ਦੀ ਫਿਲਮ ਰਾਮਾਇਣ ਲਈ 45 ਕਰੋੜ ਰੁਪਏ ਦੀ ਡੀਲ ਆਫਰ ਕੀਤੀ ਗਈ ਹੈ।

ਬਾਕਸ ਆਫਿਸ ਮੁਤਾਬਕ ਸੰਨੀ ਦਿਓਲ ਇਸ ਭੂਮਿਕਾ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ। ਪਰਦੇ ‘ਤੇ ਭਗਵਾਨ ਹਨੂੰਮਾਨ ਦਾ ਕਿਰਦਾਰ ਨਿਭਾਉਣਾ ਇਕ ਵੱਡੀ ਜ਼ਿੰਮੇਵਾਰੀ ਹੈ ਅਤੇ ਸੰਨੀ ਨੇ ਰਾਮਾਇਣ ਦੀ ਸ਼ੂਟਿੰਗ ਵਿਚਾਲੇ ਕੋਈ ਹੋਰ ਪ੍ਰੋਜੈਕਟ ਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਉਹ ਆਪਣੇ ਕਿਰਦਾਰ ‘ਤੇ ਪੂਰਾ ਧਿਆਨ ਦੇਣਾ ਚਾਹੁੰਦੇ ਹਨ ਅਤੇ ਭਗਵਾਨ ਹਨੂੰਮਾਨ ਦਾ ਕਿਰਦਾਰ ਨਿਭਾਉਣ ਲਈ ਆਪਣੀ ਫਿਟਨੈੱਸ ‘ਤੇ ਵੀ ਕੰਮ ਕਰ ਰਹੇ ਹਨ । ਦੱਸਿਆ ਜਾ ਰਿਹਾ ਹੈ ਕਿ ਰਾਮਾਇਣ ਲਈ ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਅਤੇ ਨਿਰਮਾਤਾ ਮਧੂ ਮੰਟੇਨਾ ਨਾਲ ਉਨ੍ਹਾਂ ਦੀ 45 ਕਰੋੜ ਰੁਪਏ ਦੀ ਡੀਲ ਲਗਭਗ ਫਾਈਨਲ ਹੈ। ਅਸਲ ‘ਚ ਸੰਨੀ ਇਸ ਫਿਲਮ ਲਈ ਆਪਣੀ ਮਾਰਕੀਟ ਕੀਮਤ ਤੋਂ ਵੀ ਘੱਟ ਕੀਮਤ ‘ਤੇ ਕੰਮ ਕਰ ਰਹੇ ਹਨ।

ਖ਼ਬਰ ਇਹ ਵੀ ਹੈ ਕਿ ਸਨੀ ਨੂੰ ਸਾਊਥ ਦੀ ਇੱਕ ਫ਼ਿਲਮ ਲਈ 75 ਕਰੋੜ ਰੁਪਏ ਦਾ ਆਫਰ ਦਿੱਤਾ ਜਾ ਰਿਹਾ ਹੈ। ਇਹ ਇੱਕ ਐਕਸ਼ਨ ਫਿਲਮ ਹੋਵੇਗੀ। ਫਿਲਹਾਲ ਇਸ ‘ਤੇ ਗੱਲਬਾਤ ਚੱਲ ਰਹੀ ਹੈ। ਯਕੀਨਨ ‘ਗਦਰ 2’ ਨੇ ਸੰਨੀ ਦੇ ਦਿਨ ਬਦਲ ਦਿੱਤੇ ਹਨ। ਪਹਿਲਾਂ ਦੱਸਿਆ ਗਿਆ ਸੀ ਕਿ ਸਨੀ ਨੇ ‘ਬਾਰਡਰ 2’ ਲਈ ਭੂਸ਼ਣ ਕੁਮਾਰ ਅਤੇ ਨਿਧੀ ਦੱਤਾ ਨਾਲ 50 ਕਰੋੜ ਰੁਪਏ ਦੀ ਡੀਲ ਸਾਈਨ ਕੀਤੀ ਹੈ। ਇਸ ਦੌਰਾਨ ਸੰਨੀ ਦੇ ਰਾਮਾਇਣ ‘ਚ ਹਨੂੰਮਾਨ ਬਣਨ ਦੀ ਖਬਰ ਨਾਲ ਪ੍ਰਸ਼ੰਸਕ ਖੁਸ਼ ਹਨ। ਇਹ ਨਿਤੇਸ਼ ਤਿਵਾਰੀ ਦਾ ਡਰੀਮ ਪ੍ਰੋਜੈਕਟ ਹੈ। ਖਬਰਾਂ ਮੁਤਾਬਕ ਰਣਬੀਰ ਕਪੂਰ ਭਗਵਾਨ ਰਾਮ ਦਾ, ਸਾਈ ਪੱਲਵੀ ਸੀਤਾ ਦਾ ਅਤੇ ਯਸ਼ ਰਾਵਣ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਫਿਲਹਾਲ ਫਿਲਮ ਦਾ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਸਕ੍ਰਿਪਟ ‘ਤੇ ਕੰਮ ਚੱਲ ਰਿਹਾ ਹੈ।