‘ਕਾਂਤਾਰਾ ਚੈਪਟਰ 1’ ਦਾ ਟੀਜ਼ਰ ਹੋਇਆ ਰਿਲੀਜ਼

29 ਨਵੰਬਰ 2023: ਕਾਂਤਾਰਾ ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ, ਨਿਰਮਾਤਾ ਹੁਣ ਫਿਲਮ ਕਾਂਤਾਰਾ ਚੈਪਟਰ 1 ਦਾ ਅਗਲਾ ਭਾਗ ਲਿਆ ਰਹੇ ਹਨ। ਹਾਲ ਹੀ ‘ਚ ਇਸ ਫਿਲਮ ਦਾ ਐਲਾਨ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਫਿਲਮ ਦਾ ਪਹਿਲਾ ਲੁੱਕ ਅਤੇ ਇਸ ਦਾ ਟੀਜ਼ਰ ਰਿਲੀਜ਼ ਕੀਤਾ ਗਿਆ ਹੈ, ਜੋ ਕਾਫੀ ਸ਼ਾਨਦਾਰ ਹੈ।

ਇਸ ਟੀਜ਼ਰ ‘ਚ ਅਭਿਨੇਤਾ ਅਤੇ ਨਿਰਦੇਸ਼ਕ ਰਿਸ਼ਭ ਸ਼ੈੱਟੀ ਨੂੰ ਡਰਾਉਣੇ ਅਤੇ ਦਿਲਚਸਪ ਰੂਪ ‘ਚ ਦਿਖਾਇਆ ਗਿਆ ਹੈ, ਜੋ ਅਸਲ ‘ਚ ਦਰਸ਼ਕਾਂ ਨੂੰ ਰਾਤਾਂ ਦੀ ਨੀਂਦ ਉਡਾ ਦੇਣ ਵਾਲਾ ਹੈ। ਟੀਜ਼ਰ ਨੂੰ ਦੇਖਣ ਤੋਂ ਬਾਅਦ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਇਹ ਪਹਿਲੀ ਫਿਲਮ ਤੋਂ ਜ਼ਿਆਦਾ ਰਹੱਸਮਈ ਅਤੇ ਸ਼ਾਨਦਾਰ ਹੋਣ ਵਾਲੀ ਹੈ।
‘ਕਾਂਤਾਰਾ ਚੈਪਟਰ 1’ ਦੇ ਟੀਜ਼ਰ ਨੂੰ ਰਿਲੀਜ਼ ਹੌਣ ਦੇ 24 ਘੰਟੇ ਦੇ ਅੰਦਰ ਅੰਦਰ 12 ਮਿਲੀਅਨ VIEWS ਮਿਲ ਗਏ

ਟੀਜ਼ਰ ਦੀ ਗੱਲ ਕਰੀਏ ਤਾਂ ਇਸ ਦੀ ਸ਼ੁਰੂਆਤ ਰਿਸ਼ਭ ਦੇ ਡਰਾਉਣੇ ਜੰਗਲ ‘ਚ ਦੌੜਦੇ ਨਜ਼ਰ ਆਉਣ ਨਾਲ ਹੁੰਦੀ ਹੈ। ਬੈਕਗ੍ਰਾਊਂਡ ਵਿੱਚ ਇੱਕ ਭਿਆਨਕ ਸੰਗੀਤ ਵੀ ਸੁਣਾਈ ਦਿੰਦਾ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਫ਼ਿਲਮ ਕਾਂਤਾਰਾ ਨੇ ਗਲੋਬਲ ਪੱਧਰ ‘ਤੇ ਹਲਚਲ ਮਚਾ ਦਿੱਤੀ ਸੀ। ਫਿਲਮ ਦੀ ਕਹਾਣੀ ਅਤੇ ਅਦਾਕਾਰਾਂ ਦੀ ਅਦਾਕਾਰੀ ਨੇ ਦਰਸ਼ਕਾਂ ਨੂੰ ਦੀਵਾਨਾ ਬਣਾ ਦਿੱਤਾ ਸੀ। ਪਹਿਲੇ ਪਾਰਟ ਤੋਂ ਬਾਅਦ ਹੁਣ ਪ੍ਰਸ਼ੰਸਕ ਫਿਲਮ ਦੇ ਅਗਲੇ ਪਾਰਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਅਗਲੇ ਸਾਲ ‘ਕਾਂਤਾਰਾ ਚੈਪਟਰ 1’ ਹਿੰਦੀ ਅਤੇ ਕੰਨੜ, ਤਾਮਿਲ, ਤੇਲਗੂ, ਮਲਿਆਲਮ, ਅੰਗਰੇਜ਼ੀ ਅਤੇ ਬੰਗਾਲੀ ਸਮੇਤ 7 ਭਾਸ਼ਾਵਾਂ ‘ਚ ਰਿਲੀਜ਼ ਹੋਵੇਗੀ।

ਇਸ ਦੀ ਸ਼ੂਟਿੰਗ ਦਸੰਬਰ ਦੇ ਅੰਤ ‘ਚ ਸ਼ੁਰੂ ਹੋਵੇਗੀ। ਫਿਲਮ ਦੀ ਕਾਸਟ ਦਾ ਅਜੇ ਖੁਲਾਸਾ ਨਹੀਂ ਕੀਤਾ ਗਿਆ ਹੈ, ਪਰ ਫਿਲਮ ਦੀ ਪਹਿਲੀ ਝਲਕ ਅਸਾਧਾਰਣ ਕਹਾਣੀ ਨਾਲ ਭਰੀ ਸਮਾਨਾਂਤਰ ਦੁਨੀਆ ਦੀ ਯਾਤਰਾ ਨੂੰ ਦਰਸਾਉਂਦੀ ਹੈ।