ਸੰਸਦ ਦਾ ਸਰਦ ਰੁੱਤ ਸੈਸ਼ਨ ਰਿਹਾ ਇਤਿਹਾਸਕ , 146 ਸੰਸਦ ਪਹਿਲੀ ਵਾਰ ਮੁਅੱਤਲ

22 ਦਸੰਬਰ 2023: ਸੰਸਦ ਦਾ ਸਰਦ ਰੁੱਤ ਸੈਸ਼ਨ 4 ਦਸੰਬਰ ਨੂੰ ਸ਼ੁਰੂ ਹੋਇਆ ਜੋ ਕਿ 17ਵੀਂ ਲੋਕ ਸਭਾ ਦਾ ਚੌਦਵਾਂ ਸੈਸ਼ਨ ਤੈਅ ਸਮੇਂ ਤੋਂ ਇਕ ਦਿਨ ਪਹਿਲਾਂ ਹੀ ਵੀਰਵਾਰ ਨੂੰ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਗਿਆ। ਇਹ ਸੈਸ਼ਨ ਕਾਫੀ ਇਤਿਹਾਸਕ ਸੀ।

13 ਦਸੰਬਰ ਨੂੰ ਸੰਸਦ ਦੀ ਸੁਰੱਖਿਆ ਵਿੱਚ ਉਲੰਘਣ ਤੋਂ ਬਾਅਦ ਵਿਰੋਧੀ ਧਿਰ ਨੇ ਸਦਨ ਦੇ ਅੰਦਰ ਹੰਗਾਮਾ ਕੀਤਾ। ਇਸ ਕਾਰਨ ਵਿਰੋਧੀ ਧਿਰ ਦੇ ਰਿਕਾਰਡ 146 ਸੰਸਦ ਮੈਂਬਰਾਂ ਨੂੰ ਲੋਕ ਸਭਾ ਅਤੇ ਰਾਜ ਸਭਾ ਤੋਂ ਮੁਅੱਤਲ ਕਰ ਦਿੱਤਾ ਗਿਆ।

ਵੀਰਵਾਰ ਨੂੰ ਸੈਸ਼ਨ ਦੀ ਸਮਾਪਤੀ ‘ਤੇ ਭਾਸ਼ਣ ਦਿੰਦੇ ਹੋਏ ਲੋਕ ਸਭਾ ਦੇ ਸਪੀਕਰ ਓਮ ਬਿਰਲਾ ਨੇ ਕਿਹਾ – ਲਗਭਗ 61 ਘੰਟੇ 50 ਮਿੰਟ ਤੱਕ ਚੱਲੇ ਸੈਸ਼ਨ ‘ਚ 14 ਬੈਠਕਾਂ ਹੋਈਆਂ।

ਓਮ ਬਿਰਲਾ ਨੇ ਕਿਹਾ ਕਿ ਇਸ ਸੈਸ਼ਨ ਵਿੱਚ ਸਦਨ ਦੀ ਉਤਪਾਦਕਤਾ (ਨਿਯਤ ਸਮੇਂ ਵਿੱਚ ਕਿੰਨਾ ਕੰਮ ਹੋਇਆ) 74 ਫੀਸਦੀ ਰਹੀ। ਸੈਸ਼ਨ ਦੌਰਾਨ 12 ਸਰਕਾਰੀ ਬਿੱਲ ਪੇਸ਼ ਕੀਤੇ ਗਏ ਅਤੇ 18 ਬਿੱਲ ਪਾਸ ਕੀਤੇ ਗਏ।

ਸੈਸ਼ਨ ਵਿੱਚ ਸਦਨ ਦੀ ਮੇਜ਼ ਉੱਤੇ 1930 ਪਰਚੇ ਰੱਖੇ ਗਏ
ਓਮ ਬਿਰਲਾ ਨੇ ਇਹ ਵੀ ਦੱਸਿਆ ਕਿ ਸਰਦ ਰੁੱਤ ਸੈਸ਼ਨ ਦੌਰਾਨ 55 ਸਵਾਲਾਂ ਦੇ ਜਵਾਬ ਦਿੱਤੇ ਗਏ। ਨਿਯਮ 377 ਤਹਿਤ ਕੁੱਲ 265 ਕੇਸ ਉਠਾਏ ਗਏ ਸਨ। ਲੋਕ ਸਭਾ ਸਪੀਕਰ ਨੇ ਸਦਨ ਨੂੰ ਦੱਸਿਆ ਕਿ ਸਦਨ ਦੇ ਮੇਜ਼ ‘ਤੇ 1930 ਦੇ ਕਰੀਬ ਕਾਗਜ਼ ਰੱਖੇ ਗਏ ਸਨ।