ਜੰਮੂ -ਕਸ਼ਮੀਰ ‘ਚ ਰਾਮਬਨ ਦੇ ਬਨਿਹਾਲ ਇਲਾਕੇ ਵਿੱਚ ਗ੍ਰਨੇਡ ਹਮਲੇ ਵਿੱਚ ਦੋ ਜ਼ਖ਼ਮੀ

ਜੰਮੂ -ਕਸ਼ਮੀਰ ਦੇ ਰਾਮਬਨ ਜ਼ਿਲ੍ਹੇ ਦੇ ਬਨਿਹਾਲ ਕਸਬੇ ਦੇ ਕੋਲ ਸ਼ੁੱਕਰਵਾਰ ਦੇਰ ਰਾਤ ਇੱਕ ਗ੍ਰੇਨੇਡ ਹਮਲੇ ਵਿੱਚ ਇੱਕ ਕਿਸ਼ੋਰ ਲੜਕੇ ਸਮੇਤ ਦੋ ਲੋਕ ਜ਼ਖਮੀ ਹੋ ਗਏ। ਜ਼ਖ਼ਮੀਆਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਨ੍ਹਾਂ ਦੀ ਹਾਲਤ ਸਥਿਰ ਹੈ। ਇਹ ਧਮਾਕਾ ਐਮਜੀ ਕੰਪਨੀ ਦੀ ਉਸਾਰੀ ਵਾਲੀ ਥਾਂ ‘ਤੇ ਹੋਇਆ, ਜੋ ਬਨਿਹਾਲ ਬਾਈਪਾਸ ਦਾ ਨਿਰਮਾਣ ਕਰ ਰਹੀ ਹੈ, ਜੋ ਚਾਰ ਮਾਰਗੀ ਜੰਮੂ-ਸ੍ਰੀਨਗਰ ਹਾਈਵੇ ਪ੍ਰਾਜੈਕਟ ਦਾ ਇੱਕ ਹਿੱਸਾ ਹੈ। ਜ਼ਖਮੀਆਂ ਦੀ ਪਛਾਣ ਊਧਮਪੁਰ ਦੇ ਗੋਪਾਲ ਸ਼ਰਮਾ ਅਤੇ ਮੰਗਿਤ-ਖੜੀ ਦੇ ਮੁਹੰਮਦ ਅਕੁਬ ਵਜੋਂ ਹੋਈ ਹੈ। ਪੁਲਿਸ ਅਤੇ ਸੁਰੱਖਿਆ ਬਲਾਂ ਨੇ ਧਮਾਕੇ ਵਾਲੀ ਥਾਂ ਦੇ ਨੇੜੇ ਦੇ ਸਾਰੇ ਖੇਤਰ ਨੂੰ ਤੁਰੰਤ ਘੇਰ ਲਿਆ। ਪੁਲਿਸ ਨੇ ਦੱਸਿਆ ਕਿ ਅਗਲੇਰੀ ਜਾਂਚ ਜਾਰੀ ਹੈ।