ਦੇਸ਼ ‘ਚ 29 ਮਹੀਨਿਆਂ ਬਾਅਦ ਬੇਰੁਜ਼ਗਾਰੀ 10% ਵਧੀ

5 ਨਵੰਬਰ 2023: 29 ਮਹੀਨਿਆਂ ਬਾਅਦ, ਦੇਸ਼ ਵਿੱਚ 15 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਵਿੱਚ ਬੇਰੁਜ਼ਗਾਰੀ ਦੀ ਦਰ 10% ਤੋਂ ਵੱਧ ਹੋ ਗਈ ਹੈ। ਇਹ ਦਰ ਕੋਵਿਡ-19 ਤੋਂ ਬਾਅਦ ਸਭ ਤੋਂ ਵੱਧ ਹੈ। ਇਸ ਤੋਂ ਪਹਿਲਾਂ ਮਈ 2021 ਵਿੱਚ, ਇਹ ਦਰ 11.84% ਦਰਜ ਕੀਤੀ ਗਈ ਸੀ।

ਪੇਂਡੂ ਖੇਤਰਾਂ ਵਿੱਚ ਮਨਰੇਗਾ ਰੁਜ਼ਗਾਰ 28.16% ਘਟਿਆ
ਨਵੀਨਤਮ ਦਰ ਵਿੱਚ ਅਚਾਨਕ ਵਾਧਾ ਪਿੰਡਾਂ ਵਿੱਚ ਬੇਰੁਜ਼ਗਾਰਾਂ ਦੀ ਗਿਣਤੀ ਵਿੱਚ ਵਾਧਾ ਹੋਣ ਕਾਰਨ ਹੋਇਆ ਹੈ। ਦਰਅਸਲ, ਇੱਕ ਮਹੀਨੇ ਵਿੱਚ ਪੇਂਡੂ ਖੇਤਰਾਂ ਵਿੱਚ ਮਨਰੇਗਾ ਦੇ ਤਹਿਤ ਦਿੱਤੇ ਜਾਣ ਵਾਲੇ ਰੁਜ਼ਗਾਰ ਵਿੱਚ 28.16% ਦੀ ਕਮੀ ਆਈ ਹੈ। ਇਸ ਯੋਜਨਾ ਤਹਿਤ ਸਤੰਬਰ ਵਿੱਚ 19.53 ਕਰੋੜ ਲੋਕਾਂ ਨੂੰ ਰੁਜ਼ਗਾਰ ਮਿਲਿਆ ਹੈ। ਅਕਤੂਬਰ ‘ਚ ਇਹ ਗਿਣਤੀ ਘਟ ਕੇ 14.03 ਕਰੋੜ ਰਹਿ ਗਈ। ਇਸ ਦੇ ਨਾਲ ਹੀ ਜੇਕਰ ਅਸੀਂ ਸ਼ਹਿਰਾਂ ‘ਚ ਬੇਰੁਜ਼ਗਾਰੀ ਦੀ ਗੱਲ ਕਰੀਏ ਤਾਂ ਇੱਥੇ ਸਤੰਬਰ ‘ਚ ਬੇਰੁਜ਼ਗਾਰੀ ਦੀ ਦਰ 8.9 ਫੀਸਦੀ ਸੀ, ਜੋ ਅਕਤੂਬਰ ‘ਚ ਘੱਟ ਕੇ 8.4 ਫੀਸਦੀ ‘ਤੇ ਆ ਗਈ।