UP ਦੀਆਂ 8 ਸੀਟਾਂ ‘ਤੇ ਸ਼ੁਰੂ ਹੋਈ ਵੋਟਿੰਗ

LOK SABHA ELECTIONS 2024: ਲੋਕ ਸਭਾ ਚੋਣਾਂ ਲਈ ਪਹਿਲੇ ਪੜਾਅ ਦੀ ਵੋਟਿੰਗ ਅੱਜ ਯਾਨੀ 19 ਅਪ੍ਰੈਲ ਨੂੰ ਸ਼ੁਰੂ ਹੋ ਗਈ ਹੈ| ਪਹਿਲੇ ਪੜਾਅ ਲਈ 8 ਸੀਟਾਂ ‘ਤੇ ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਵੋਟਿੰਗ ਹੋਵੇਗੀ। ਇਨ੍ਹਾਂ ਵਿੱਚ ਸਹਾਰਨਪੁਰ, ਕੈਰਾਨਾ, ਮੁਜ਼ੱਫਰਨਗਰ, ਬਿਜਨੌਰ, ਰਾਮਪੁਰ, ਨਗੀਨਾ (SC), ਮੁਰਾਦਾਬਾਦ ਅਤੇ ਪੀਲੀਭੀਤ ਲੋਕ ਸਭਾ ਸੀਟਾਂ ਸ਼ਾਮਲ ਹਨ।

ਪਿਛਲੀਆਂ ਲੋਕ ਸਭਾ ਚੋਣਾਂ ਵਿੱਚ ਪਹਿਲੇ ਪੜਾਅ ਦੀਆਂ ਅੱਠ ਸੀਟਾਂ ਵਿੱਚੋਂ ਚਾਰ ਭਾਜਪਾ, ਤਿੰਨ ਬਸਪਾ ਅਤੇ ਇੱਕ ਸਪਾ ਨੇ ਜਿੱਤੀ ਸੀ। ਇਸ ਵਾਰ ਕਈ ਦਿੱਗਜਾਂ ਦੀ ਪਰਖ ਕੀਤੀ ਜਾ ਰਹੀ ਹੈ। ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਈਵੀਐਮ ਵਿੱਚ ਹੋਵੇਗਾ, ਜਿਸ ਤੋਂ ਬਾਅਦ 4 ਜੂਨ ਨੂੰ ਹੋਣ ਵਾਲੀ ਵੋਟਾਂ ਦੀ ਗਿਣਤੀ ਦਾ ਇੰਤਜ਼ਾਰ ਕੀਤਾ ਜਾਵੇਗਾ।