CRIME: ਲੁਧਿਆਣਾ ‘ਚ ਮਿਲੀ ਨੌਜਵਾਨ ਦੀ ਲਾਸ਼,ਪਿਤਾ ਨੇ ਕਿਹਾ…

ਲੁਧਿਆਣਾ 22ਸਤੰਬਰ 2023: ਲੁਧਿਆਣਾ ‘ਚ ਬਰੇਵਾਲ ਨਹਿਰ ਦੇ ਨਜ਼ਦੀਕ ਬੰਨ੍ਹ ‘ਤੇ ਦੇਰ ਰਾਤ ਨਹਿਰੀ ਮੁਲਾਜ਼ਮਾਂ ਨੂੰ ਸ਼ੱਕੀ ਹਾਲਾਤਾਂ ‘ਚ ਇਕ ਨੌਜਵਾਨ ਦੀ ਲਾਸ਼ ਫਸੀ ਹੋਈ ਮਿਲੀ। ਨੌਜਵਾਨ ਦਾ ਚਿਹਰਾ ਫਟਿਆ ਹੋਇਆ ਸੀ। ਉਹ ਪਿਛਲੇ 3 ਦਿਨਾਂ ਤੋਂ ਲਾਪਤਾ ਸੀ। ਉਸ ਦਾ ਪਿਤਾ ਨਹਿਰ ’ਤੇ ਤਾਇਨਾਤ ਮੁਲਾਜ਼ਮਾਂ ਨੂੰ ਆਪਣਾ ਮੋਬਾਈਲ ਨੰਬਰ ਦੇਣ ਮਗਰੋਂ ਆਇਆ ਸੀ। ਉਸ ਨੂੰ ਪਹਿਲਾਂ ਹੀ ਸ਼ੱਕ ਸੀ ਕਿ ਉਸ ਦਾ ਲੜਕਾ ਨਹਿਰ ਵਿੱਚ ਚਲਾ ਗਿਆ ਹੋ ਸਕਦਾ ਹੈ। ਪੁਲਿਸ ਇਸ ਮਾਮਲੇ ਦੀ ਹਰ ਪਹਿਲੂ ਤੋਂ ਜਾਂਚ ਕਰ ਰਹੀ ਹੈ।

ਮ੍ਰਿਤਕ ਦੀ ਉਮਰ 20 ਸਾਲ ਸੀ।
ਨਹਿਰ ਵਿੱਚ ਜਾਲ ਵਿੱਚ ਫਸੀ ਲਾਸ਼ ਨੂੰ ਦੇਖ ਕੇ ਨਹਿਰੀ ਮੁਲਾਜ਼ਮਾਂ ਨੇ ਤੁਰੰਤ ਪੁਲੀਸ ਨੂੰ ਸੂਚਿਤ ਕੀਤਾ ਅਤੇ ਉਸ ਦੀ ਸ਼ਨਾਖਤ ਲਈ ਨੰਬਰ ਲਿਖਵਾਇਆ। ਸਰਾਭਾ ਨਗਰ ਥਾਣਾ ਪੁਲਸ ਮੌਕੇ ‘ਤੇ ਪਹੁੰਚ ਗਈ। ਮ੍ਰਿਤਕ ਨੌਜਵਾਨ ਦੇ ਪਰਿਵਾਰਕ ਮੈਂਬਰਾਂ ਨੇ ਉਸ ਦੀ ਪਛਾਣ ਕਰ ਲਈ। ਮ੍ਰਿਤਕ ਦਾ ਨਾਂ ਰਮੇਸ਼ (20) ਹੈ।