ਵਿਆਹ ਵਾਲੇ ਘਰ ਪਿਸਤੋਲ ਦੀ ਨੋਕ ਤੇ 10 ਲੱਖ ਦੇ ਕਰੀਬ ਕੀਤੀ ਲੁੱਟ

ਪੀੜਿਤ ਪਰਿਵਾਰ ਵੱਲੋਂ ਸ਼ਿਕਾਇਤ ਦਰਜ ਕਰਵਾਈ ਗਈ

22 ਨਵੰਬਰ 2023: ਅੰਮ੍ਰਿਤਸਰ ਦੇ ਹਲਕਾ ਮਜੀਠਾ ਦੇ ਸਥਾਨਕ ਕਸਬੇ ਦੇ ਨਜਦੀਕੀ ਪੈਦੇ ਪਿੰਡ ਅਜਾਇਬਵਾਲੀ ਵਿਖੇ ਅਰੰਭੇ ਗਏ ਲੜਕੀ ਦੇ ਵਿਆਹ ਵਾਲੇ ਘਰ ਬੀਤੀ ਦੇਰ ਰਾਤ ਚੋਰ ਵੱਲੋ ਘਰ ਵਿਚ ਦਾਖਲ ਹੋ ਕੇ ਪਿਸਤੋਲ ਦੇ ਨੋਕ ਤੇ 6 ਤੋਲੇ ਸੋਨਾ ਤੇ 5 ਲੱਖ ਨਗਦੀ ਚੋਰੀ ਕਰ ਲਏ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮੌਕੇ ਤੇ ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਦਲਜੀਤ ਸਿੰਘ ਪੁੱਤਰ ਕਰਨੈਲ ਸਿੰਘ ਤੇ ਸੁਰਜੀਤ ਸਿੰਘ ਪੁੱਤਰ ਕਰਨੈਲ ਸਿੰਘ ਪਿੰਡ ਵਾਸੀ ਅਜਾਇਬਵਾਲੀ ਵੱਲੋ ਆਪਣੀ ਬੇਟੀ ਕੋਮਲਪ੍ਰੀਤ ਕੌਰ ਦੇ ਵਿਆਹ ਦੀਆ ਤਿਆਰੀਆਂ ਚੱਲ ਰਹੀਆ ਸਨ ਜਿਸ ਦਾ ਵਿਆਹ 26 ਨਵੰਬਰ ਨੂੰ ਹੋਣਾ ਹੈ ਤੇ ਬੀਤੀ ਰਾਤ ਇੱਕ ਚੋਰ ਵੱਲੋ ਕਰੀਬ ਇੱਕ ਵਜੇ ਪਿਸਤੋਲ ਦੀ ਨੋਕ ਤੇ ਦਾਖਲ ਹੋ ਕੇ ਘਰ ਵਿੱਚੋ 6 ਤੋਲੇ ਸੋਨਾ, ਵਿਆਹ ਸਮਾਗਮ ਲਈ ਘਰ ਵਾਲਿਆ ਵੱਲੋ 5 ਲੱਖ ਰੂਪਏ ਰੱਖੇ ਗਏ ਸਨ ਜਿਹੜੇ ਸੋਨੇ ਸਮੇਤ ਚੋਰੀ ਕਰ ਕੇ ਚੋਰ ਤਿੰਨ ਘੰਟੇ ਬਾਅਦ ਘਰ ਵਿਚੋ ਬਾਹਰ ਜਾਦਾ ਸੀ ਸੀ ਟੀ ਵੀ ਵਿਚ ਕੈਦ ਹੋਇਆ ।

ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਜਿਸ ਕਮਰੇ ਅੰਦਰ ਵਿਆਹ ਵਾਲੀ ਲੜਕੀ ਕੋਮਲਪ੍ਰੀਤ ਕੌਰ ਤੇ ਉਸ ਦੀ ਸਹੇਲੀ ਜੋ ਇੱਕ ਕਮਰੇ ਵਿਚੋ ਸੁੱਤੀਆਂ ਪਈਆਂ ਸਨ ਤੇ ਚੋਰ ਵੱਲੋ ਸਹੇਲੀ ਨੂੰ ਪਿਸਤੋਲ ਵਿਖਾ ਕੇ ਕਿ ਇਹ ਅਸਲੀ ਪਿਸਤੋਲ ਤੇ ਗੋਲੀਆਂ ਹਨ ਜੋ ਤੇਰੇ ਗਲ ਵਿਚ ਉਹ ਵੀ ਲਾ ਕੇ ਮੈਨੂੰ ਸੌਪ ਦੇ ਅਤੇ ਰੋਲਾ ਨਹੀ ਪਾਉਣਾ। ਇਸ ਉਪਰੰਤ ਲੜਕੀਆਂ ਵੱਲੋ ਚੋਰ ਦੇ ਜਾਣ ਉਪਰੰਤ ਸਾਰੇ ਘਰ ਵਾਲਿਆ ਨੂੰ ਜਗਾਇਆ ਗਿਆ ਅਤੇ ਰੋਲਾ ਪਾਇਆ ਕਿ ਚੋਰ ਸਾਡੇ ਘਰ ਦਾਖਲ ਹੋ ਕੇ ਸਾਡਾ ਸਾਰਾ ਗਹਿਣਾ ਤੇ ਪੈਸਾ ਲੁੱਟ ਕੇ ਲੈ ਗਿਆ ਹੈ। ਇਸ ਤੋ ਬਾਅਦ ਘਰ ਵਾਲਿਆ ਵੱਲੋ ਥਾਣਾ ਕੱਥੂਨੰਗਲ ਵਿਖੇ ਲਿਖਤੀ ਦਰਖਾਸਤ ਦਿੱਤੀ ਗਈ ਹੈ ਪੀੜਿਤ ਪਰਿਵਾਰ ਦੇ ਕਿਹਣ ਦੇ ਮੁਤਾਬਿਕ ਤਿੰਨ ਤੋਂ ਚਾਰ ਲੱਖ ਰੁਪਏ ਦੀ ਚੋਰੀ ਹੋਈ ਹੈ ਰਾਤ ਦੇ ਸਮੇਂ ਲੁੱਟ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਅਸੀਂ ਸਾਹਮਣੇਂ ਘਰ ਦੇ ਸੀਸੀ ਟੀਵੀ ਕੈਮਰੇ ਵਿੱਚ ਚੈੱਕ ਕੀਤਾ ਹੈ ਉਸ ਵਿੱਚ ਇੱਕ ਹੀ ਵਿਅਕਤੀ ਦਿਖਾਈ ਦੇ ਰਿਹਾ ਹੈ ਜਿਸ ਦੀ ਪੁਲਿਸ ਬਰੀਕੀ ਨਾਲ ਪੜਤਾਲ ਕਰ ਰਹੀ ਹੈ।