BREAKING NEWS:ਝਾਂਸੀ ‘ਚ ਗੈਂਗਸਟਰ ਅਤੀਕ ਦੇ ਬੇਟੇ ਅਸਦ ਦਾ ਹੋਇਆ ਐਨਕਾਊਂਟਰ,UP STF ਨੂੰ ਕਤਲ ‘ਚ ਮਿਲੀ ਵੱਡੀ ਸਫਲਤਾ

ਉਮੇਸ਼ ਪਾਲ ਕਤਲ ਕੇਸ ਵਿੱਚ ਲੋੜੀਂਦੇ ਗੈਂਗਸਟਰ ਅਤੀਕ ਦੇ ਪੁੱਤਰ ਅਸਦ ਅਤੇ ਸ਼ੂਟਰ ਗੁਲਾਮ ਮੁਹੰਮਦ ਨੂੰ ਵੀਰਵਾਰ ਨੂੰ ਯੂਪੀ ਪੁਲਿਸ ਨੇ ਮਾਰ ਦਿੱਤਾ ਸੀ। ਇਹ ਮੁੱਠਭੇੜ ਐਸਟੀਐਫ ਨੇ ਝਾਂਸੀ ਦੇ ਬਡਾਗਾਓਂ ਵਿੱਚ ਪਰੀਚਾ ਡੈਮ ਨੇੜੇ ਕੀਤੀ। ਦੋਵਾਂ ‘ਤੇ ਪੰਜ-ਪੰਜ ਲੱਖ ਰੁਪਏ ਦਾ ਇਨਾਮ ਸੀ। ਪੁਲੀਸ ਅਨੁਸਾਰ ਇਨ੍ਹਾਂ ਕੋਲੋਂ ਵਿਦੇਸ਼ੀ ਹਥਿਆਰ ਵੀ ਮਿਲੇ ਹਨ।

ਐਸਟੀਐਫ ਦੀ ਕਾਰਵਾਈ ਦੌਰਾਨ ਅਤੀਕ ਦੀ ਪੇਸ਼ੀ ਪ੍ਰਯਾਗਰਾਜ ਅਦਾਲਤ ਵਿੱਚ ਚੱਲ ਰਹੀ ਸੀ। ਬੇਟੇ ਦੇ ਐਨਕਾਊਂਟਰ ਦੀ ਖ਼ਬਰ ਸੁਣ ਕੇ ਉਹ ਰੋਣ ਲੱਗ ਪਿਆ। ਗਲਾ ਸੁੱਕ ਗਿਆ ਤਾਂ ਪਾਣੀ ਮੰਗਿਆ ਤੇ ਸਿਰ ਫੜ ਕੇ ਬੈਠ ਗਿਆ।

ਉਹ 24 ਫਰਵਰੀ ਨੂੰ ਉਮੇਸ਼ ਪਾਲ ਦੇ ਕਤਲ ਤੋਂ ਬਾਅਦ ਹੀ ਫਰਾਰ ਸੀ। STF ਲਗਾਤਾਰ ਉਨ੍ਹਾਂ ਦਾ ਪਤਾ ਲਗਾ ਰਹੀ ਸੀ ਅਤੇ ਝਾਂਸੀ ‘ਚ ਉਨ੍ਹਾਂ ਦੀ ਲੋਕੇਸ਼ਨ ਮਿਲਣ ਤੋਂ ਬਾਅਦ ਪੁਲਿਸ ਨੇ ਉਨ੍ਹਾਂ ਨੂੰ ਮਾਰ ਦਿੱਤਾ। ਐਸਟੀਐਫ ਦੇ ਡੀਆਈਜੀ ਅਨੰਤ ਦੇਵ ਤਿਵਾਰੀ ਨੇ ਕਿਹਾ, ‘ਸਾਡੀ ਟੀਮ ਨੇ ਅਸਦ ਅਤੇ ਮਕਸੂਦ ਨੂੰ ਮਾਰ ਦਿੱਤਾ ਹੈ। ਇਨ੍ਹਾਂ ਕੋਲੋਂ ਪਿਸਤੌਲ, ਰਿਵਾਲਵਰ ਅਤੇ ਵਿਦੇਸ਼ੀ ਹਥਿਆਰ ਬਰਾਮਦ ਹੋਏ ਹਨ।

ਐਨਕਾਊਂਟਰ ਤੋਂ ਬਾਅਦ ਉਮੇਸ਼ ਪਾਲ ਦੀ ਮਾਂ ਨੇ ਕਿਹਾ- ਮੇਰੇ ਬੇਟੇ ਨੂੰ ਸ਼ਰੇਆਮ ਗੋਲੀ ਮਾਰ ਦਿੱਤੀ ਗਈ। ਅੱਜ ਦੀ ਕਾਰਵਾਈ ਨੇ ਸਾਨੂੰ ਕੁਝ ਸ਼ਾਂਤੀ ਦਿੱਤੀ ਹੈ। ਮੇਰੇ ਪੁੱਤਰ ਦੇ ਕਾਤਲ ਮਾਰੇ ਗਏ। ਇਨ੍ਹਾਂ ਦੋਹਾਂ ਮੁਕਾਬਲਿਆਂ ਵਿਚ ਉਨ੍ਹਾਂ ਨੂੰ ਉਨ੍ਹਾਂ ਦੇ ਗੁਨਾਹਾਂ ਦੀ ਸਜ਼ਾ ਮਿਲੀ। ਦੇਰ ਹੈ, ਹਨੇਰਾ ਨਹੀਂ। ਯੋਗੀ ਜੀ ਦਾ ਧੰਨਵਾਦ।

ਆਤਿਕ ਨੇ ਆਪਣੀ ਪਤਨੀ ਨੂੰ ਕਿਹਾ ਸੀ – ਬੇਟੇ ਨੇ ਸ਼ੇਰ ਦਾ ਕੰਮ ਕੀਤਾ ਹੈ।
ਉਮੇਸ਼ ਪਾਲ ਹੱਤਿਆਕਾਂਡ ‘ਚ ਅਸਦ ਦਾ ਨਾਂ ਅਤੇ ਸੀਸੀਟੀਵੀ ਫੁਟੇਜ ਸਾਹਮਣੇ ਆਉਣ ਤੋਂ ਬਾਅਦ ਸ਼ਾਇਸਤਾ ਨੇ ਅਤੀਕ ਅਹਿਮਦ ਤੋਂ ਨਾਰਾਜ਼ਗੀ ਜਤਾਈ ਸੀ। ਰੋਂਦੇ ਹੋਏ ਕਿਹਾ ਕਿ ਅਸਦ ਅਜੇ ਬੱਚਾ ਹੈ। ਉਸ ਨੂੰ ਇਸ ਮਾਮਲੇ ਵਿੱਚ ਨਹੀਂ ਲਿਆਉਣਾ ਚਾਹੀਦਾ ਸੀ। ਇਹ ਸੁਣ ਕੇ ਮਾਫੀਆ ਡਾਨ ਅਤੀਕ ਅਹਿਮਦ ਗੁੱਸੇ ‘ਚ ਆ ਗਿਆ।