ਗੁਰਦਾਸਪੁਰ ਦੇ ਪਿੰਡ ਗੋਰਸੀਆਂ ਵਿੱਚ ਬਰਸਾਤੀ ਡਰੇਂਨ ਨੂੰ ਲੈਕੇ ਕਿਸਾਨ ਅਤੇ ਵਿਭਾਗ ਹੋਇਆ ਆਹਮੋ ਸਾਹਮਣੇ

ਗੁਰਦਾਸਪੁਰ ਦੇ ਪਿੰਡ ਗੋਰਸੀਆਂ ਵਿੱਚ ਇੱਕ ਬਰਸਾਤੀ ਡਰੇਂਨ ਨੂੰ ਲੈਕੇ ਪਿੰਡ ਦੇ ਕਿਸਾਨ ਅੱਤੇ ਨਹਿਰੀ ਵਿਭਾਗ ਆਹਮੋ ਸਾਹਮਣੇ ਹੈ ਪਿੰਡ ਦੇ ਕਿਸਾਨਾਂ ਦਾ ਕਹਿਣਾ ਹੈ ਕੀ ਉਹਨਾਂ ਦੀ ਜ਼ਮੀਨ ਦੇ ਨੇੜੇ ਇਕ ਨਹਿਰੀ ਵਿਭਾਗ ਦਾ ਬਰਸਾਤੀ ਡਰੇਂਨ ਹੈ ਅੱਤੇ ਇਸ ਬਰਸਾਤੀ ਡਰੇਂਨ ਨੂੰ ਸਾਫ ਕਰਨ ਲਈ ਕਿਸਾਨਾਂ ਨੂੰ ਨੋਟਿਸ ਜਾਰੀ ਕੀਤੇ ਗਏ ਹਨ ਕਿਸਾਨਾ ਮੁਤਾਬਿਕ ਜੇਕਰ ਵਿਭਾਗ ਇਸ ਬਰਸਾਤੀ ਨਾਲ਼ੇ ਦੀ ਸਫਾਈ ਕਰਦਾ ਹੈ ਤਾਂ ਉਹਨਾਂ ਦੀ ਫ਼ਸਲ ਦਾ ਨੁਕਸਾਨ ਹੋਵੇਗਾ ਉਹਣਾ ਕਿਹਾ ਕਿ ਇਹ ਬਰਸਾਤੀ ਡਰੇਂਨ ਸਹੀ ਚਲ ਰਹੀ ਹੈ ਅਤੇ ਕਿਸਾਨਾਂ ਨੇ ਆਪਣੀਆਂ ਪੁਲੀਆ ਪਾ ਕੇ ਪਾਣੀਂ ਦੀ ਨਿਕਾਸੀ ਕਿਤੀ ਹੋਈ ਹੈ ਪਰ ਕਿਸਾਨਾਂ ਨੂੰ ਨਾਲ਼ੇ ਸਫਾਈ ਕਰਨ ਦੇ ਨਾਮ ਤੇ ਤੰਗ ਪਰੇਸ਼ਾਨ ਕੀਤਾ ਜਾ ਰਿਹਾ ਹੈ ਉਹਨਾਂ ਕਿਹਾ ਕਿ ਜੇਕਰ ਵਿਭਾਗ ਨੇ ਉਹਨਾਂ ਨੂੰ ਹੋਰ ਤੰਗ ਪ੍ਰੇਸ਼ਾਨ ਕਿਤਾ ਤਾਂ ਉਹ ਵਿਭਾਗ ਖਿਲਾਫ ਮੋਰਚਾ ਖੋਲ੍ਹਣ ਲਈ ਮਜ਼ਬੂਰ ਹੋਣਗੇ

ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਪੀਡ਼ਤ ਕਿਸਾਨਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਜ਼ਮੀਨਾਂ ਦੇ ਨਾਲ ਇੱਕ ਬਰਸਾਤੀ ਡਰੇਂਨ ਚਲ ਰਹੀ ਹੈ ਜੋ ਕਿ ਵਿਭਾਗ ਦੇ ਕਾਗਜ਼ਾਂ ਵਿੱਚ ਦੂਸਰੇ ਪਾਸੇ ਹੈ ਪਰ ਇਹ ਬਰਸਾਤੀ ਡਰੇਂਨ ਉਨ੍ਹਾਂ ਦੀ ਜ਼ਮੀਨ ਨੇੜੇ ਕੱਢੀ ਗਈ ਹੈ ਅੱਤੇ ਬਰਸਾਤੀ ਡਰੇਂਨ ਉੱਪਰ ਉਨ੍ਹਾਂ ਨੇ ਪੁਲੀਆਂ ਪਾ ਕੇ ਆਪਣੇ ਖੇਤਾਂ ਨੂੰ ਜਾਣ ਲਈ ਰਸਤਾ ਰੱਖਿਆ ਹੈ ਪਰ ਹੁਣ ਨਹਿਰੀ ਵਿਭਾਗ ਇਸ ਡਰੇਂਨ ਦੀ ਸਫਾਈ ਕਰਨ ਦੇ ਨਾਮ ਤੇ ਉਨ੍ਹਾਂ ਨੂੰ ਤੰਗ ਪ੍ਰੇਸ਼ਾਨ ਕਰ ਰਿਹਾ ਹੈ ਉਨ੍ਹਾਂ ਕਿਹਾ ਕਿ ਜੇਕਰ ਵਿਭਾਗ ਨੇ ਇਸ ਪਾਸੇ ਬਰਸਾਤੀ ਡਰੇਂਨ ਪੁਟੀ ਤਾਂ ਉਨ੍ਹਾਂ ਦੀ ਜ਼ਮੀਨ ਦਾ ਕਾਫੀ ਨੁਕਸਾਨ ਹੋਵੇਗਾ ਇਸ ਲਈ ਉਨ੍ਹਾਂ ਨੇ ਮੰਗ ਕੀਤੀ ਹੈ ਕਿ ਇਸ ਤਰਫ਼ ਡਰੇਂਨ ਨਾ ਪੁਟੀ ਜਾਵੇ ਸਗੋਂ ਜਿਸ ਪਾਸੇ ਕਾਗਜ਼ੀ ਬਰਸਾਤੀ ਡਰੇਂਨ ਹੈ ਉਸ ਪਾਸੇ ਬਣਾਈ ਜਾਵੇਂ ਉਹਣਾ ਕਿਹਾ ਕਿ ਵਿਭਾਗ ਉਹਣਾ ਨੂੰ ਨੋਟਿਸ ਕੱਢ ਤੰਗ ਪਰੇਸ਼ਾਨ ਕਰ ਰਿਹਾ ਹੈ ਉਨ੍ਹਾਂ ਕਿਹਾ ਕਿ ਜੇਕਰ ਵਿਭਾਗ ਉਨ੍ਹਾਂ ਨੂੰ ਜਾਣਬੁੱਝ ਕੇ ਤੰਗ ਪਰੇਸ਼ਾਨ ਕਰੇਗਾ ਤਾਂ ਆਉਣ ਵਾਲੇ ਸਮੇਂ ਵਿੱਚ ਵਿਭਾਗ ਦੇ ਖ਼ਿਲਾਫ਼ ਧਰਨਾ ਲਗਾਉਣ ਦੇ ਲਈ ਮਜਬੂਰ ਹੋਣਗੇ

ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਨਹਿਰੀ ਵਿਭਾਗ ਦੇ ਐਸਡੀਓ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਇਹ ਬਹੁਤ ਪੁਰਾਣੀ ਡਰੇਨ ਹੈ ਅਤੇ ਇਸ ਡਰੇਨ ਦੇ ਉੱਪਰ ਕੁਝ ਕਿਸਾਨਾਂ ਨੇ ਨਾਜਾਇਜ਼ ਢੰਗ ਨਾਲ ਆਪਣੀਆਂ ਪੁਲੀਆਂ ਪਾਕੇ ਪਾਣੀ ਨੂੰ ਬੰਦ ਕੀਤਾ ਹੋਇਆ ਹੈ ਜਿਸ ਕਰਕੇ ਇਸ ਡਰੇਨ ਦੀ ਸਫਾਈ ਕਰਵਾਉਣਾ ਬਹੁਤ ਜ਼ਰੂਰੀ ਹੈ ਤਾਂ ਜੋ ਬਰਸਾਤੀ ਪਾਣੀ ਦਾ ਨਿਕਾਸ ਹੋ ਸਕੇ ਪਰ ਕਿਸਾਨ ਆਪਣੀਆਂ ਪੁਲੀਆਂ ਨਹੀਂ ਪੁੱਟ ਰਹੇ ਜਿਸ ਕਰਕੇ ਉਨ੍ਹਾਂ ਨੂੰ ਨੋਟਿਸ ਭੇਜੇ ਗਏ ਹਨ ਉਨ੍ਹਾਂ ਕਿਹਾ ਕਿ ਜੇਕਰ ਕਿਸਾਨ ਆਪਣੀਆਂ ਭੁੱਲੀਆਂ ਨਹੀਂ ਹਟਾਉਂਦੇ ਤਾਂ ਉਨ੍ਹਾਂ ਨੂੰ ਵਿਭਾਗੀ ਕਾਰਵਾਈ ਕਰਨੀ ਪਵੇਗੀ