ਹੀਟਵੇਵ ਨੇ ਮਚਾਈ ਤਬਾਹੀ- ਔਰੰਗਾਬਾਦ ‘ਚ ਵਧਦੀ ਗਰਮੀ ਨੇ ਲਈਆਂ 16 ਲੋਕਾਂ ਦੀ ਮੌਤ

ਬਿਹਾਰ ਦੇ ਔਰੰਗਾਬਾਦ ਜ਼ਿਲ੍ਹੇ ਵਿੱਚ ਗਰਮੀ ਦਾ ਕਹਿਰ ਦੇਖਣ ਨੂੰ ਮਿਲ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਹੀਟਵੇਵ ਕਾਰਨ ਸਦਰ ਹਸਪਤਾਲ ‘ਚ 15 ਲੋਕਾਂ ਦੀ ਮੌਤ ਹੋ ਗਈ ਹੈ।

ਸਾਰੇ ਸਕੂਲ 8 ਜੂਨ ਤੱਕ ਬੰਦ ਰੱਖਣ ਦੇ ਹੁਕਮ

ਭਿਆਨਕ ਗਰਮੀ ਦੇ ਵਿਚਕਾਰ, ਬਿਹਾਰ ਸਰਕਾਰ ਨੇ ਸਾਰੇ ਨਿੱਜੀ ਅਤੇ ਸਰਕਾਰੀ ਸਕੂਲ, ਕੋਚਿੰਗ ਸੰਸਥਾਵਾਂ ਅਤੇ ਆਂਗਣਵਾੜੀ ਕੇਂਦਰਾਂ ਨੂੰ 8 ਜੂਨ ਤੱਕ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਹਨ। ਹਾਲਾਂਕਿ ਕੜਾਕੇ ਦੀ ਗਰਮੀ ਕਾਰਨ ਸ਼ੇਖਪੁਰਾ, ਬੇਗੂਸਰਾਏ, ਮੁਜ਼ੱਫਰਪੁਰ ਅਤੇ ਪੂਰਬੀ ਚੰਪਾਰਨ ਸਮੇਤ ਕਈ ਇਲਾਕਿਆਂ ਤੋਂ ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਦੇ ਬੇਹੋਸ਼ ਹੋਣ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਸਰਕਾਰੀ ਸਕੂਲ ਅਧਿਆਪਕਾਂ ਲਈ ਨਹੀਂ ਵਿਦਿਆਰਥੀਆਂ ਲਈ ਬੰਦ ਹਨ|

ਮੌਸਮ ਵਿਭਾਗ ਨੇ ਕੀਤਾ ਅਲਰਟ

ਮੌਸਮ ਵਿਭਾਗ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਬਿਹਾਰ ਦੇ ਕਈ ਹਿੱਸਿਆਂ ਵਿੱਚ ਅਤਿਅੰਤ ਗਰਮੀ ਜਾਰੀ ਰਹੇਗੀ ਜਿੱਥੇ ਤਾਪਮਾਨ 44 ਡਿਗਰੀ ਸੈਲਸੀਅਸ ਤੋਂ ਵੱਧ ਦਰਜ ਕੀਤਾ ਗਿਆ ਹੈ। ਕਿਹਾ, “ਲੋਕਾਂ ਨੂੰ ਗਰਮੀ ਦੀ ਲਹਿਰ ਅਤੇ ਡੀਹਾਈਡਰੇਸ਼ਨ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਜਾਣੋ ਤਾਪਮਾਨ

ਸ਼ਹਿਰ                                   ਤਾਪਮਾਨ

ਔਰੰਗਾਬਾਦ                    46.1 ਡਿਗਰੀ ਸੈਲਸੀਅਸ
ਦੇਹਰੀ                            46 ਡਿਗਰੀ ਸੈਲਸੀਅਸ
ਗਯਾ                              45.2 ਡਿਗਰੀ ਸੈਲਸੀਅਸ
ਅਰਵਾਲ                        44.8 ਡਿਗਰੀ
ਭੋਜਪੁਰ                          44.1 ਡਿਗਰੀ ਸੈਲਸੀਅਸ
ਪਟਨਾ                           40.7 ਡਿਗਰੀ