22 ਜਨਵਰੀ ਨੂੰ ਹਰਕੀ ਪੈਦੀ ਨੂੰ ਦੀਵਿਆਂ ਦੀ ਰੋਸ਼ਨੀ ਨਾਲ ਕੀਤਾ ਜਾਵੇਗਾ ਰੋਸ਼ਨ

7 ਜਨਵਰੀ 2024:  ਅਯੁੱਧਿਆ ‘ਚ 22 ਜਨਵਰੀ ਨੂੰ ਹੋਣ ਵਾਲੇ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਦੌਰਾਨ ਦੇਸ਼ ਭਰ ਦੇ ਹੋਰ ਧਾਰਮਿਕ ਸਥਾਨਾਂ ‘ਤੇ ਦੀਵਾਲੀ ਵਰਗਾ ਨਜ਼ਾਰਾ ਦੇਖਣ ਨੂੰ ਮਿਲੇਗਾ। ਇਸ ਦਿਨ ਹਰਿਦੁਆਰ ਵਿੱਚ ਹਰਕੀ ਪੈਦੀ ਨੂੰ ਵੀ ਦੀਵਾਲੀ ਵਾਂਗ ਸਜਾਇਆ ਜਾਵੇਗਾ ਅਤੇ ਆਤਿਸ਼ਬਾਜ਼ੀ ਕੀਤੀ ਜਾਵੇਗੀ। ਹਰਕੀ ਪੈਦੀ ਦਾ ਪ੍ਰਬੰਧ ਦੇਖ ਰਹੀ ਸੰਸਥਾ ਸ਼੍ਰੀ ਗੰਗਾ ਸਭਾ ਨੇ ਐਲਾਨ ਕੀਤਾ ਹੈ ਕਿ 22 ਜਨਵਰੀ ਨੂੰ ਹਰਕੀ ਪੈਦੀ ਨੂੰ ਦੀਵਿਆਂ ਦੀ ਰੋਸ਼ਨੀ ਨਾਲ ਰੋਸ਼ਨ ਕੀਤਾ ਜਾਵੇਗਾ ਅਤੇ ਭਗਵਾਨ ਰਾਮ ਮੰਦਰ ਦਾ ਪ੍ਰਕਾਸ਼ ਪੁਰਬ ਧੂਮਧਾਮ ਨਾਲ ਮਨਾਇਆ ਜਾਵੇਗਾ। ਇਸ ਦੇ ਲਈ ਗੰਗਾ ਸਭਾ ਨੇ ਹਰਿਦੁਆਰ ਦੀਆਂ ਵਪਾਰਕ ਜਥੇਬੰਦੀਆਂ ਤੋਂ ਵੀ ਸਹਿਯੋਗ ਦੀ ਅਪੀਲ ਕੀਤੀ ਹੈ।