National
ਮਹੂਆ ਮੋਇਤਰਾ ਦੀ ਟਿੱਪਣੀ ‘ਤੇ ਹੇਮਾ ਮਾਲਿਨੀ ਨੇ ਕਿਹਾ-‘ਰੱਬ ਸਭ ਦਾ ਭਲਾ ਕਰੇ’
TMC ਸਾਂਸਦ ਮਹੂਆ ਮੋਇਤਰਾ ਇੱਕ ਵਾਰ ਫਿਰ ਵਿਵਾਦਾਂ ਵਿੱਚ ਘਿਰ ਗਈ ਹੈ। ਦਰਅਸਲ ਮੰਗਲਵਾਰ ਨੂੰ ਲੋਕ ਸਭਾ ‘ਚ ਕਾਰਵਾਈ ਦੌਰਾਨ ਮਹੂਆ ਮੋਇਤਰਾ ਦੀ ਜ਼ੁਬਾਨ ਇਕ ਵਾਰ ਫਿਰ ਫਿਸਲ ਗਈ ਅਤੇ ਇਸ ਦੌਰਾਨ ਉਨ੍ਹਾਂ ਨੇ ਅਪਸ਼ਬਦ ਬੋਲੇ। ਇਸ ਦੌਰਾਨ ਭਾਜਪਾ ਸੰਸਦ ਮੈਂਬਰ ਹੇਮਾ ਮਾਲਿਨੀ ਨੇ ਟੀਐਮਸੀ ਸੰਸਦ ਮਹੂਆ ਮੋਇਤਰਾ ਦੀ ਟਿੱਪਣੀ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ।
ਹੇਮਾ ਨੇ ਕਿਹਾ ਕਿ ਵਿਅਕਤੀ ਨੂੰ ਆਪਣੀ ਜੀਭ ‘ਤੇ ਕਾਬੂ ਰੱਖਣਾ ਚਾਹੀਦਾ ਹੈ ਅਤੇ ਪਰੇਸ਼ਾਨ ਨਹੀਂ ਹੋਣਾ ਚਾਹੀਦਾ। ਇੱਥੇ ਹਰ ਕਿਸੇ ਦਾ ਸਤਿਕਾਰ ਕੀਤਾ ਜਾਂਦਾ ਹੈ। ਜਿਹੜੇ ਭਾਸ਼ਣ ਦੇ ਰਹੇ ਸਨ, ਉਹ ਵੀ ਚੰਗੇ ਲੋਕ ਹਨ। ਸੰਸਦ ਵਿੱਚ ਅਜਿਹਾ ਨਹੀਂ ਹੋਣਾ ਚਾਹੀਦਾ। ਤੁਹਾਨੂੰ ਆਪਣੇ ਆਪ ਨੂੰ ਕਾਬੂ ਵਿੱਚ ਰੱਖਣਾ ਚਾਹੀਦਾ ਹੈ। ਇੰਨੇ ਭਾਵੁਕ ਹੋਣ ਦੀ ਲੋੜ ਨਹੀਂ। ਲੋਕ ਬਹੁਤ ਪਰੇਸ਼ਾਨ ਹੋ ਜਾਂਦੇ ਹਨ। ਇਸ ਦੇ ਨਾਲ ਹੀ ਮਹੂਆ ਦੇ ਮਾਫੀ ਨਾ ਮੰਗਣ ਦੇ ਸਵਾਲ ‘ਤੇ ਹੇਮਾ ਮਾਲਿਨੀ ਨੇ ਕਿਹਾ, ”ਉਹ ਸੁਭਾਅ ਤੋਂ ਇਸ ਤਰ੍ਹਾਂ ਦੀ ਹੋਵੇਗੀ… ਮੇਰੇ ਕੋਲ ਕਹਿਣ ਲਈ ਕੁਝ ਨਹੀਂ ਹੈ। ਵਾਹਿਗੁਰੂ ਸਭ ਦਾ ਭਲਾ ਕਰੇ।
ਦੂਜੇ ਪਾਸੇ ਆਪਣੀ ਵਿਵਾਦਿਤ ਟਿੱਪਣੀ ‘ਤੇ ਮਹੂਆ ਮੋਇਤਰਾ ਨੇ ਕਿਹਾ ਕਿ ਮੈਂ ਸਦਨ ‘ਚ ਜੋ ਵੀ ਕਿਹਾ, ਉਹ ਰਿਕਾਰਡ ‘ਤੇ ਨਹੀਂ ਕਿਹਾ ਗਿਆ ਹੈ, ਭਾਜਪਾ ਪਾਰਟੀ ਹੁਣ ਸਾਨੂੰ ਸਿਖਾਏਗੀ ਕਿ ਸੰਸਦੀ ਸ਼ਿਸ਼ਟਾਚਾਰ ਕੀ ਹੈ ਅਤੇ ਕੀ ਨਹੀਂ। ਇਹ ਕੋਈ ਵੱਡੀ ਗੱਲ ਨਹੀਂ ਹੈ ਪਰ ਅਡਾਨੀ ਦਾ 100 ਬਿਲੀਅਨ ਡਾਲਰ ਦਾ ਘੋਟਾਲਾ ਲੋਕਤੰਤਰ ਲਈ ਵੱਡਾ ਮੁੱਦਾ ਹੈ, ਜਿਸ ਨੂੰ ਉਠਾਇਆ ਗਿਆ ਹੈ।
