PM ਨਰਿੰਦਰ ਮੋਦੀ ਜਨ ਸਭਾ ਨੂੰ ਕੀਤਾ ਸੰਬੋਧਨ

RAJASTHAN:ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਯਾਨੀ ਅੱਜ 5 ਅਪ੍ਰੈਲ ਨੂੰ ਚੁਰੂ ਵਿੱਚ ਇੱਕ ਚੋਣ ਰੈਲੀ ਨੂੰ ਸੰਬੋਧਨ ਕੀਤਾ। ਇਸ ਭਾਸ਼ਣ ਵਿੱਚ ਪੀਐਮ ਮੋਦੀ ਨੇ ਭਾਜਪਾ ਦੀ ਕੇਂਦਰ ਸਰਕਾਰ ਦੀਆਂ ਪ੍ਰਾਪਤੀਆਂ ‘ਤੇ ਵਿਸ਼ੇਸ਼ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਕਾਂਗਰਸ, ਭ੍ਰਿਸ਼ਟਾਚਾਰ, ਫੌਜ, ਤਿੰਨ ਤਲਾਕ ਅਤੇ ਕਸ਼ਮੀਰ ਵਰਗੇ ਮਹੱਤਵਪੂਰਨ ਵਿਸ਼ਿਆਂ ‘ਤੇ ਵੀ ਗੱਲ ਕੀਤੀ।

ਭਾਰਤੀ ਜਨਤਾ ਪਾਰਟੀ ਨੇ ਲੋਕ ਸਭਾ ਚੋਣਾਂ 2024 ਲਈ ਰਾਜਸਥਾਨ ਵਿੱਚ ਰਿਕਾਰਡ ਸੀਟਾਂ ਜਿੱਤਣ ਲਈ ਜ਼ੋਰਦਾਰ ਪ੍ਰਚਾਰ ਸ਼ੁਰੂ ਕਰ ਦਿੱਤਾ ਹੈ। ਭਾਜਪਾ ਦੇ ਕੇਂਦਰੀ ਆਗੂ ਲਗਾਤਾਰ ਰਾਜਸਥਾਨ ਦੇ ਦੌਰੇ ਕਰ ਰਹੇ ਹਨ। ਪੀਐਮ ਮੋਦੀ ਖ਼ੁਦ ਰਾਜਸਥਾਨ ਵਿੱਚ ਦੋ ਚੋਣ ਸਭਾਵਾਂ ਨੂੰ ਸੰਬੋਧਨ ਕਰ ਚੁੱਕੇ ਹਨ। ਪਹਿਲੀ ਮੀਟਿੰਗ ਜੈਪੁਰ ਦਿਹਾਤੀ ਲੋਕ ਸਭਾ ਹਲਕੇ ਦੇ ਕੋਟਪੁਤਲੀ ਵਿੱਚ 2 ਅਪ੍ਰੈਲ ਨੂੰ ਹੋਈ ਸੀ, ਜਦਕਿ ਦੂਜੀ ਚੋਣ ਮੀਟਿੰਗ ਸ਼ੁੱਕਰਵਾਰ, 5 ਮਾਰਚ ਨੂੰ ਚੁਰੂ ਵਿੱਚ ਹੋਈ ਸੀ। ਚੁਰੂ ਪੁਲਸ ਲਾਈਨ ‘ਚ ਆਯੋਜਿਤ ਚੋਣ ਬੈਠਕ ‘ਚ ਪੀਐੱਮ ਮੋਦੀ ਨੇ ਕਿਹਾ ਕਿ ਪਿਛਲੇ 10 ਸਾਲਾਂ ‘ਚ ਕੀਤੇ ਗਏ ਕੰਮ ਬਹੁਤ ਘੱਟ ਹਨ। ਇਹ ਸਿਰਫ਼ ਵੱਡੇ ਹੋਟਲਾਂ ਵਿੱਚ ਰਾਤ ਦੇ ਖਾਣੇ ਤੋਂ ਪਹਿਲਾਂ ਦਿੱਤਾ ਜਾਣ ਵਾਲਾ ਸਟਾਰਟਰ ਹੈ। ਅਜੇ ਪੂਰੀ ਪਲੇਟ ਬਾਕੀ ਹੈ।