ਪੁਲਿਸ ਨੇ ਚੋਰ ਕੋਲੋਂ ਅੱਧਾ ਦਰਜਨ ਮੋਟਰਸਾਈਕਲ ਕੀਤੇ ਬਰਾਮਦ

2 ਦਸੰਬਰ 2023: ਜਲੰਧਰ ਦੇ ਥਾਣਾ ਨੰਬਰ 2 ਦੀ ਪੁਲਿਸ ਨੇ 1 ਚੋਰ ਨੂੰ ਫੜ ਕੇ ਉਸਦੇ ਪਾਸੋਂ ਅੱਧਾ ਦਰਜਨ ਮੋਟਰਸਾਈਕਲ ਬਰਾਮਦ ਕੀਤੇ ਨੇ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਏਸੀਪੀ ਨਿਰਮਲ ਸਿੰਘ ਨੇ ਦੱਸਿਆ ਕਿ ਥਾਣਾ ਦੀ ਪੁਲਿਸ ਵਲੋਂ ਦਾਣਾ ਮੰਡੀ ਨੇੜੇ 1 ਚੋਰੀ ਦੇ ਮੋਟਰਸਾਈਕਲ ਤੇ ਸਵਾਰ ਐਸ਼ਵਰਿਆ ਨਾਮ ਦੇ ਚੋਰ ਨੂੰ ਫੜਿਆ ਤਾਂ ਉਸਤੋਂ ਜਲੰਧਰ ਵਿੱਚ ਚੋਰੀ ਕੀਤੇ ਅੱਧਾ ਦਰਜਨ ਮੋਟਰਸਾਈਕਲ ਹੋਰ ਵੀ ਬਰਾਮਦ ਕੀਤੇ ਗਏ ਨੇ। ਨਿਰਮਲ ਸਿੰਘ ਨੇ ਦੱਸਿਆ ਕਿ ਕਠੂਆ ਨਿਵਾਸੀ ਚੋਰ ਐਸ਼ਵਰਿਆ ਵਲੋਂ ਸਾਰੇ ਮੋਟਰਸਾਈਕਲ ਜਲੰਧਰ ਸ਼ਹਿਰ ਤੋਂ ਹੀ ਚੋਰੀ ਕੀਤੇ ਗਏ ਨੇ। ਉਨ੍ਹਾਂ ਦੱਸਿਆ ਕਿ ਇਸ ਚੋਰ ਤੇ ਪਹਿਲਾਂ ਵੀ ਚੋਰੀ ਦਾ ਮਾਮਲਾ ਦਰਜ ਹੈ ਜਿਸ ਵਿਚੋਂ ਇਸ ਵਲੋਂ ਘਰ ਦਾ ਸਮਾਨ ਚੋਰੀ ਕੀਤਾ ਗਿਆ ਸੀ ਜੋ ਬਾਅਦ ਵਿੱਚ ਬਰਾਮਦ ਕਰ ਲਿਆ ਗਿਆ ਸੀ।