ਜੀ.ਆਰ.ਪੀ ਸਰਹੰਦ ਦੇ ਏਐਸਆਈ ਦੀ ਮੂਨਕ ਫਤਿਹਾਬਾਦ ਨੇੜਿਓਂ ਮਿਲੀ ਲਾਸ਼

13 ਦਸੰਬਰ 2023: ਸਰਹਿੰਦ ਜੀਆਰਪੀ ‘ਚ ਤਾਇਨਾਤ ਇੱਕ ਏ.ਐਸ.ਆਈ ਸੁਖਵਿੰਦਰਪਾਲ ਸਿੰਘ ਜੋ ਸ਼ੱਕੀ ਹਾਲਾਤਾਂ ਵਿੱਚ ਐਤਵਾਰ ਨੂੰ ਲਾਪਤਾ ਹੋ ਗਿਆ ਤੇ ASI ਦੀ ਕਾਰ ਸਰਹਿੰਦ ਭਾਖੜਾ ਨਹਿਰ ਦੇ ਕੰਢੇ ਤੋਂ ਮਿਲੀ ਸੀ ਤੇ ਅੱਜ ਏਐਸਆਈ ਦੀ ਮੂਨਕ-ਫਤਿਹਾਬਾਦ ਨੇੜਿਓਂ ਲਾਸ਼ ਮਿਲਣ ਦੀ ਸੂਚਨਾ ਮਿਲੀ ਹੈ|

ਡੀਐਸਪੀ ਫਤਿਹਗੜ੍ਹ ਸਾਹਿਬ ਰਾਜਕੁਮਾਰ ਨੇ ਦੱਸਿਆ ਕਿ ਲਾਸ਼ ਦੀ ਪਹਿਚਾਣ ਲਈ ਪੁਲਿਸ ਅਤੇ ਪਰਿਵਾਰ ਦੇ ਮੈਂਬਰ ਰਵਾਨਾ ਹੋ ਗਏ ਹਨ ਤੇ ਲਾਸ਼ ਦੀ ਪਹਿਚਾਣ ਤੋਂ ਬਾਅਦ ਹੀ ਕੀਤੀ ਜਾਵੇਗੀ ਸਹੀ ਪੁਸ਼ਟੀ ਕੀਤੀ ਜਾ ਸਕੇਗੀ।

ਜ਼ਿਕਰਯੋਗ ਹੈ ਕਿ ਨਹਿਰ ਦੇ ਕੰਢੇ ਖੜੀ ਕਾਰ ਦੇ ਨੇੜੇਓ ਇੱਕ ਸੁਸਾਈਡ ਨੋਟ ਵੀ ਮਿਲਿਆ ਸੀ,ਸੁਸਾਇਡ ਨੋਟ ‘ਚ ਲਿਖਿਆ ਹੈ ਕਿ ਜੀਆਰਪੀ ਦੇ ਐਸਐਚਓ ਤੇ ਮੁਨਸ਼ੀ ਉਸ ਨੂੰ ਤੰਗ ਪ੍ਰੇਸ਼ਾਨ ਕਰਦੇ ਸਨ। ਜਿਸ ਵਿੱਚ ਜੀਆਰਪੀ ਦੇ ਐਸਐਚਓ ਅਤੇ ਮੁਨਸ਼ੀ ਦਾ ਨਾਮ ਲਿਖਿਆ ਹੈ।ਤੇ ਇਸ ਤੋਂ ਬਾਅਦ ਲਾਪਤਾ ਏ.ਐਸ.ਆਈ ਦੀ ਪੁਲਿਸ ਅਤੇ ਪਰਿਵਾਰ ਨੇ ਮਿਲ ਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਲਈ ਗੋਤਾਖੋਰਾਂ ਦੀ ਮਦਦ ਨਾਲ ਭਾਲ ਕੀਤੀ ਜਾ ਰਹੀ ਸੀ ਤੇ ਪੁਲਸ ਵਲੋਂ ਏ.ਐਸ.ਆਈ ਦੇ ਲਾਪਤਾ ਹੋਣ ਦੀ ਡੀ.ਡੀ.ਆਰ ਮੂਲੇਪੁਰ ਪੁਲਸ ਥਾਣੇ ਵਿਖੇ ਦਰਜ ਕੀਤੀ ਗਈ ਸੀ।