ਪ੍ਰਧਾਨ ਮੰਤਰੀ ਮੋਦੀ ਅੱਜ ਤੋਂ ਅਸਾਮ ਦੇ ਦੋ ਦਿਨਾਂ ਦਾ ਕਰਨਗੇ ਦੌਰਾ, ਪਹਿਲੇ ਰਾਸ਼ਟਰੀ ਸਿਰਜਣਹਾਰ ਪੁਰਸਕਾਰ ਦਾ ਕਰਨਗੇ ਐਲਾਨ

ਪ੍ਰਧਾਨ ਮੰਤਰੀ ਮੋਦੀ ਅੱਜ ਤੋਂ ਅਸਾਮ ਦੇ ਦੋ ਦਿਨਾਂ ਦੇ ਦੌਰੇ ‘ਤੇ ਹਨ| ਇਸ ਦੌਰਾਨ ਉਹ ਟਾਈਗਰ ਰਿਜ਼ਰਵ ‘ਚ ਜੰਗਲ ਸਫਾਰੀ ‘ਤੇ ਜਾਣਗੇ, ਇਕ ਅਧਿਕਾਰੀ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਮੋਦੀ ਨੇ 8 ਮਾਰਚ ਦੀ ਸ਼ਾਮ ਨੂੰ ਕਾਜ਼ੀਰੰਗਾ (ਕਾਜ਼ੀਰੰਗਾ ਨੈਸ਼ਨਲ ਪਾਰਕ) ਪਹੁੰਚਣਾ ਹੈ ਅਤੇ ਰਾਤ ਨੂੰ ਇੱਥੇ ਰੁਕਣਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪੀਐਮ ਮੋਦੀ ਅਗਲੀ ਸਵੇਰ ਪਾਰਕ ਦੇ ਅੰਦਰ ਸਫਾਰੀ ਕਰਨਗੇ ਅਤੇ ਫਿਰ ਉਹ ਕਈ ਪ੍ਰੋਗਰਾਮਾਂ ਵਿੱਚ ਹਿੱਸਾ ਲੈਣ ਲਈ ਜੋਰਹਾਟ ਲਈ ਰਵਾਨਾ ਹੋਣਗੇ।

ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਵਿੱਚ ਹਾਥੀ ਦੀ ਸਵਾਰੀ ਅਤੇ ਸਫਾਰੀ ਨੂੰ 7 ਤੋਂ 9 ਮਾਰਚ ਤੱਕ ਆਮ ਲੋਕਾਂ ਲਈ ਬੰਦ ਕਰ ਦਿੱਤਾ ਗਿਆ ਹੈ। ਪੀਐਮ ਮੋਦੀ ਨੈਸ਼ਨਲ ਪਾਰਕ ਵਿੱਚ ਰਾਤ ਠਹਿਰਨ ਵਾਲੇ ਦੇਸ਼ ਦੇ ਪਹਿਲੇ ਪ੍ਰਧਾਨ ਮੰਤਰੀ ਹੋਣਗੇ। ਤੁਹਾਨੂੰ ਦੱਸ ਦਈਏ ਕਿ ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਇਕ-ਸਿੰਗ ਵਾਲੇ ਗੈਂਡੇ ਲਈ ਮਸ਼ਹੂਰ ਹੈ। ਕਾਜ਼ੀਰੰਗਾ ਨੂੰ ਫਰਵਰੀ 1974 ਵਿੱਚ ਵੱਕਾਰੀ ਨੈਸ਼ਨਲ ਪਾਰਕ ਟੈਗ ਮਿਲਿਆ ਸੀ ਅਤੇ ਇਸ ਸਾਲ ਇਹ ਆਪਣੀ ਗੋਲਡਨ ਜੁਬਲੀ ਮਨਾ ਰਿਹਾ ਹੈ। ਪੀਐਮ ਮੋਦੀ ਜੋਰਹਾਟ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਜੰਗਲ ਸਫਾਰੀ ਕਰਨਗੇ। ਉਹ 9 ਮਾਰਚ ਨੂੰ ਅਰੁਣਾਚਲ ਪ੍ਰਦੇਸ਼ ਵੀ ਜਾਣਗੇ।