ਸੀ ਡੀ ਸੀ ਅਤੇ ਟੈਕਸਾਸ ਸੰਯੁਕਤ ਰਾਜ ਦੇ ਯਾਤਰੀਆਂ ਵਿੱਚ ਮੋਨਕਾਈਪੌਕਸ ਦੀ ਕੀਤੀ ਪੁਸ਼ਟੀ

ਟੈਕਸਾਸ – ਇੱਕ ਨਵੀਂ ਬਿਮਾਰੀ ਮੰਕੀਪੌਕਸ ਦਾ ਪਹਿਲਾ ਕੇਸ ਇੱਥੇ ਮਿਲਿਆ ਹੈ। ਜਾਣਕਾਰੀ ਅਨੁਸਾਰ ਟੈਕਸਾਸ ਵਿਚ ਮੰਕੀਪੌਕਸ ਪਹਿਲਾ ਕੇਸ ਸਾਹਮਣੇ ਆਇਆ ਹੈ। ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ ਦੇ ਅਨੁਸਾਰ, ਇਹ ਇੱਕ ਬਹੁਤ ਹੀ ਦੁਰਲੱਭ ਬਿਮਾਰੀ ਹੈ ਜਿਸ ਵਾਇਰਸ ਪਹਿਲਾ ਕੇਸ ਹੈ। ਇਹ ਬਿਮਾਰੀ ਇਕ ਅਮਰੀਕੀ ਨਿਵਾਸੀ ਵਿੱਚ ਮਿਲੀ ਹੈ ਜੋ ਹਾਲ ਹੀ ਵਿਚ ਨਾਈਜੀਰੀਆ ਤੋਂ ਅਮਰੀਕਾ ਦੀ ਯਾਤਰਾ ਕੀਤੀ ਸੀ। ਮਰੀਜ਼ ਡੱਲਾਸ ਦੇ ਹਸਪਤਾਲ ਵਿੱਚ ਦਾਖਲ ਹੈ। ਡੱਲਾਸ ਕਾਉਂਟੀ ਦੇ ਸਿਹਤ ਅਧਿਕਾਰੀ ਕਲੇ ਜੇਨਕਿਨਜ਼ ਦੇ ਅਨੁਸਾਰ, ਇਹ ਬਿਮਾਰੀ ਦੁਰਲਭ ਜਰੂਰ ਹੈ, ਪਰ ਅਸੀਂ ਇਸ ਵੇਲੇ ਕੋਈ ਵੱਡਾ ਖ਼ਤਰਾ ਨਹੀਂ ਦੇਖ ਰਹੇ ਹਾਂ। ਸਾਨੂੰ ਨਹੀਂ ਲਗਦਾ ਕਿ ਇਸ ਸਮੇਂ ਇਹ ਆਮ ਲੋਕਾਂ ਲਈ ਖਤਰਾ ਹੈ। ਸੀਡੀਸੀ ਦੇ ਅਨੁਸਾਰ, ਬਿਮਾਰੀ ਦੇ ਕੇਸ ਨਾਈਜੀਰੀਆ ਤੋਂ ਇਲਾਵਾ, 1970 ਤੋਂ ਕੇਂਦਰੀ ਅਤੇ ਪੱਛਮੀ ਅਫਰੀਕਾ ਦੇ ਦੇਸ਼ਾਂ ਵਿੱਚ ਸਾਹਮਣੇ ਆ ਰਹੇ ਹਨ। ਇਸ ਤੋਂ ਪਹਿਲਾਂ 2003 ਵਿਚ ਅਮਰੀਕਾ ਵਿਚ ਇਸ ਬਿਮਾਰੀ ਦੇ ਕੁਝ ਮਾਮਲੇ ਸਾਹਮਣੇ ਆਏ ਸਨ। ਸੀਡੀਸੀ ਨੇ ਕਿਹਾ ਕਿ ਇਸਦੇ ਅਧਿਕਾਰੀ ਜਹਾਜ਼ ਵਿਚ ਸਵਾਰ ਹੋਰ ਯਾਤਰੀਆਂ ਅਤੇ ਲੋਕਾਂ ਦੀ ਜਾਂਚ ਲਈ ਸਬੰਧਤ ਏਅਰ ਲਾਈਨ ਅਤੇ ਸਥਾਨਕ ਸਿਹਤ ਅਧਿਕਾਰੀਆਂ ਨਾਲ ਸੰਪਰਕ ਕਰ ਰਹੇ ਹਨ। ਮੰਕੀਪੌਕਸ ਚੇਚਕ ਵਾਂਗ ਇਕ ਵਾਇਰਸ ਨਾਲ ਸੰਬੰਧਤ ਬਿਮਾਰੀ ਹੈ। ਇਹ ਬਿਮਾਰੀ ਦੁਰਲਭ ਜਰੂਰ ਹੈ, ਪਰ ਇਹ ਇਕ ਗੰਭੀਰ ਵਾਇਰਸ ਬਿਮਾਰੀ ਹੋ ਸਕਦੀ ਹੈ। ਇਹ ਆਮ ਤੌਰ ਤੇ ਫਲੂ ਵਰਗੇ ਲੱਛਣਾਂ ਅਤੇ ਲਿੰਫ ਨੋਡਾਂ ਦੇ ਸੋਜ ਨਾਲ ਸ਼ੁਰੂ ਹੁੰਦਾ ਹੈ। ਹੌਲੀ ਹੌਲੀ ਧੱਫੜ ਚਿਹਰੇ ਅਤੇ ਸਰੀਰ ਦੇ ਵੱਡੇ ਹਿੱਸਿਆਂ ਤੇ ਉਭਰਨਾ ਸ਼ੁਰੂ ਹੋ ਜਾਂਦੇ ਹੈ। ਚਿੰਤਾ ਦਾ ਵਿਸ਼ਾ ਇਹ ਹੈ ਕਿ ਇਹ ਬਿਮਾਰੀ ਇਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿਚ ਸਾਹ ਦੀਆਂ ਬੂੰਦਾਂ ਰਾਹੀਂ ਫੈਲ ਸਕਦੀ ਹੈ। ਵੈਸੇ, ਅਮਰੀਕਾ ਵਿਚ ਰਿਪੋਰਟ ਕੀਤੇ ਪਹਿਲੇ ਕੇਸ ਦੇ ਸੰਬੰਧ ਵਿਚ, ਚੰਗੀ ਗੱਲ ਇਹ ਹੈ ਕਿ ਜ਼ਿਆਦਾਤਰ ਯਾਤਰੀ ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਮਾਸਕ ਪਹਿਨੇ ਹੋਏ ਸਨ, ਇਸ ਲਈ ਬਹੁਤ ਘੱਟ ਸੰਭਾਵਨਾ ਹੈ ਕਿ ਮੰਕੀਪੌਕਸ ਉਸ ਜਹਾਜ਼ ਅਤੇ ਹਵਾਈ ਅੱਡੇ ਵਿਚ ਸਾਹ ਦੀਆਂ ਬੂੰਦਾਂ ਦੁਆਰਾ ਦੂਜੇ ਲੋਕਾਂ ਤਕ ਪਹੁੰਚ ਗਏ ਹੋਣ।