UPI ਯੂਜ਼ਰਾਂ ਲਈ ਵੱਡੀ ਰਾਹਤ, ਸਰਕਾਰ ਦਾ ਵੱਡਾ ਫੈਸਲਾ

UPI ਯੂਜ਼ਰਾਂ ਲਈ ਵੱਡੀ ਰਾਹਤ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ₹2,000 ਤੱਕ ਦੇ UPI ਟ੍ਰਾਂਜ਼ੈਕਸ਼ਨ ਨੂੰ ਲੈ ਕੇ ਸਰਕਾਰ ਵੱਲੋਂ ਵੱਡਾ ਸਪੱਸ਼ਟੀਕਰਨ ਦਿੱਤਾ ਗਿਆ ਹੈ। ਛੋਟੇ UPI ਪੇਮੈਂਟ ਕਰਨ ਵਾਲੇ ਲੋਕਾਂ ’ਤੇ ਵਾਧੂ ਚਾਰਜ ਦਾ ਬੋਝ ਨਹੀਂ ਪਵੇਗਾ।

ਦੇਸ਼ ਵਿੱਚ ਹਰ ਰੋਜ਼ ਕਰੋੜਾਂ ਲੋਕ UPI ਰਾਹੀਂ ਪੇਮੈਂਟ ਕਰਦੇ ਹਨ। ਇਸੇ ਦੌਰਾਨ UPI ’ਤੇ ਚਾਰਜ ਲੱਗਣ ਦੀਆਂ ਚਰਚਾਵਾਂ ਨੇ ਯੂਜ਼ਰਾਂ ਦੀ ਚਿੰਤਾ ਵਧਾ ਦਿੱਤੀ ਸੀ।

ਹੁਣ ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ ਕਿ ₹2,000 ਤੱਕ ਦੇ UPI ਟ੍ਰਾਂਜ਼ੈਕਸ਼ਨ ’ਤੇ ਕੋਈ ਵਾਧੂ ਚਾਰਜ ਨਹੀਂ ਲਾਇਆ ਜਾਵੇਗਾ। ਬੈਂਕਾਂ ਅਤੇ ਸਿਸਟਮ ਪ੍ਰੋਵਾਈਡਰਾਂ ਵੱਲੋਂ ਅਜਿਹੇ ਛੋਟੇ UPI ਪੇਮੈਂਟ ’ਤੇ ਚਾਰਜ ਵਸੂਲਣ ’ਤੇ ਰੋਕ ਰਹੇਗੀ।

ਇਸ ਤੋਂ ਇਲਾਵਾ ₹2,000 ਤੱਕ ਦੇ RuPay ਡੈਬਿਟ ਕਾਰਡ ਪੇਮੈਂਟ ਨੂੰ ਵੀ ਫ੍ਰੀ ਰੱਖਣ ਦੀ ਗੱਲ ਕਹੀ ਗਈ ਹੈ।

ਹੁਣ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ₹2,000 ਤੋਂ ਵੱਧ ਦੇ UPI ਟ੍ਰਾਂਜ਼ੈਕਸ਼ਨ ਦਾ ਕੀ ਹੋਵੇਗਾ?

ਸਰਕਾਰ ਮੁਤਾਬਕ ਵੱਡੀ ਰਕਮ ਵਾਲੇ UPI ਪੇਮੈਂਟ ’ਤੇ MDR ਯਾਨੀ Merchant Discount Rate ਨੂੰ ਲੈ ਕੇ ਫੈਸਲਾ ਬਾਅਦ ਵਿੱਚ ਕੀਤਾ ਜਾ ਸਕਦਾ ਹੈ। ਜੇਕਰ ਭਵਿੱਖ ਵਿੱਚ MDR ਲਾਗੂ ਹੁੰਦਾ ਹੈ ਤਾਂ ਇਸ ਦੀ ਦਰ ਬੇਹੱਦ ਮਾਮੂਲੀ ਰੱਖੇ ਜਾਣ ਦੀ ਸੰਭਾਵਨਾ ਹੈ।

ਸਰਕਾਰ ਵੱਲੋਂ ਇਹ ਵੀ ਸੰਕੇਤ ਦਿੱਤਾ ਗਿਆ ਹੈ ਕਿ UPI ’ਤੇ ਲੱਗਣ ਵਾਲਾ ਸੰਭਾਵਿਤ ਚਾਰਜ ਡੈਬਿਟ ਜਾਂ ਕ੍ਰੈਡਿਟ ਕਾਰਡ ਪੇਮੈਂਟ ਦੇ ਮੁਕਾਬਲੇ ਕਾਫ਼ੀ ਘੱਟ ਰਹੇਗਾ।

ਯਾਨੀ ਫਿਲਹਾਲ ਛੋਟੇ UPI ਪੇਮੈਂਟ ਕਰਨ ਵਾਲੇ ਕਰੋੜਾਂ ਯੂਜ਼ਰਾਂ ਨੂੰ ਰਾਹਤ ਮਿਲੀ ਹੈ। ₹2,000 ਤੱਕ ਦੇ UPI ਟ੍ਰਾਂਜ਼ੈਕਸ਼ਨ ਨੂੰ ਲੈ ਕੇ ਕਿਸੇ ਵਾਧੂ ਬੋਝ ਦੀ ਚਿੰਤਾ ਨਹੀਂ ਕਰਨੀ ਪਵੇਗੀ। ਹਾਲਾਂਕਿ ₹2,000 ਤੋਂ ਵੱਧ ਦੇ ਟ੍ਰਾਂਜ਼ੈਕਸ਼ਨ ’ਤੇ MDR ਨੂੰ ਲੈ ਕੇ ਅੰਤਿਮ ਫੈਸਲਾ ਅੱਗੇ ਹੋਵੇਗਾ।