ਦਿੱਲੀ ਜੰਮੂ ਕਟੜਾ ਨੈਸ਼ਨਲ ਹਾਈਵੇ ਦੇ ਚਲ ਰਹੇ ਕੰਮ ਨੂੰ ਰੋਕ ਕੇ ਕਿਸਾਨਾਂ ਨੇ ਕੀਤਾ ਰੋਸ਼ ਪ੍ਰਦਰਸ਼ਨ | ਮੁਆਵਜਾ ਨਾ ਮਿਲਣ ਖਿਲਾਫ ਰੋਸ ਪ੍ਰਦਰਸ਼ਨ

ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਦੇ ਬੈਨਰ ਤਲੇ ਕਿਸਾਨਾਂ ਨੇ ਬਣ ਰਹੇ ਦਿੱਲੀ ਜੰਮੂ ਕਟੜਾ ਐਕਸਪ੍ਰੈਸ ਹਾਈਵੇ ਦੇ ਖਿਲਾਫ ਜਿਲੇ ਦੇ ਪਿੰਡ ਭਾਮੜੀ ਵਿਖੇ ਚਲ ਰਹੇ ਕੰਮ ਨੂੰ ਰੋਕਦੇ ਹੋਏ ਰੋਸ਼ ਪ੍ਰਦਰਸ਼ਨ ਕੀਤਾ ਗਿਆ,ਇਸ ਮੌਕੇ ਇਕੱਠਾ ਹੋਏ ਕਿਸਾਨਾਂ ਨੇ ਪ੍ਰਸਾਸ਼ਨ ਅਤੇ ਕੇਂਦਰ ਸਰਕਾਰ ਦੇ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕਰਦੇ ਹੋਏ ਇਸ ਬਣ ਰਹੇ ਐਕਸਪ੍ਰੈਸ ਹਾਈਵੇ ਨੂੰ ਲੈਕੇ ਕੀਤੀ ਜਾ ਰਹੀ ਧੱਕੇਸ਼ਾਹੀ ਦੇ ਖਿਲਾਫ ਆਪਣਾ ਰੋਸ਼ ਜਾਹਿਰ ਕੀਤਾ ਗਿਆ

ਜਿਲੇ ਦੇ ਪਿੰਡ ਭਾਮੜੀ ਜਿਥੋਂ ਦੀ ਜਮੀਨ ਵਿਚੋਂ ਇਹ ਐਕਸਪ੍ਰੈਸ ਹਾਈਵੇ ਗੁਜਰੇਗਾ ਓਥੋਂ ਦੇ ਕਿਸਾਨਾਂ ਨੇ ਅਕਵਾਇਰ ਕੀਤੀ ਜਾ ਰਹੀ ਜਮੀਨ ਦੇ ਦਿੱਤੇ ਜਾ ਰਹੇ ਮੁਆਵਜੇ ਨੂੰ ਲੈਕੇ ਇਤਰਾਜ ਜਤਾਇਆ ਗਿਆ ਰੋਸ਼ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ ਦੇ ਆਗੂਆਂ ਸਵਿੰਦਰ ਸਿੰਘ ਚੂਤਾਲਾ ਅਤੇ ਹਰਵਿੰਦਰ ਸਿੰਘ ਖਜਾਲਾ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦਿੱਲੀ ਜੰਮੂ ਕਟੜਾ ਨੈਸ਼ਨਲ ਹਾਈਵੇ ਬਣਾਉਣ ਜਾ ਰਹੀ ਹੈ ਜਿਸ ਲਈ ਜਿਥੋਂ ਜਿਥੋਂ ਵੀ ਇਹ ਹਾਈਵੇ ਲੰਘੇਗਾ ਓਥੋਂ ਓਥੋਂ ਦੀ ਜਮੀਨ ਸਰਕਾਰ ਵਲੋਂ ਅਕਵਾਇਰ ਕੀਤੀ ਜਾ ਰਹੀ ਹੈ ,ਓਹਨਾ ਕਿਹਾ ਕਿ ਸਰਕਾਰ ਹਾਈਵੇ ਜਰੂਰ ਬਣਾਵੇ ਪਰ ਇਸ ਹਾਈਵੇ ਲਈ ਜੋ ਜਮੀਨ ਅਕਵਾਇਰ ਕੀਤੀ ਜਾ ਰਹੀ ਉਸਦੇ ਲਈ ਜੋ ਮੁਆਵਜ਼ਾ ਸਰਕਾਰ ਵਲੋਂ ਦਿੱਤਾ ਜਾ ਰਿਹਾ ਹੈ ਉਹ ਇਕ ਸਾਰ ਨਹੀਂ ਦਿੱਤਾ ਜਾ ਰਿਹਾ ਕਿਸੇ ਨੂੰ ਤਾਂ 1ਕਰੋੜ ਪ੍ਰਤੀ ਏਕੜ ਦਾ ਦਿਤਾ ਜਾ ਰਿਹਾ ਹੈ

ਕਿਸੇ ਨੂੰ 50 ਲੱਖ ਦਿੱਤਾ ਜਾ ਰਿਹਾ ਹੈ ਅਤੇ ਕਿਸੇ ਨੂੰ 25 ਲੱਖ ਦਿਤਾ ਜਾ ਰਿਹਾ ਹੈ ਓਹਨਾ ਦਾ ਕਹਿਣਾ ਸੀ ਕਿ ਸਰਕਾਰ ਇਸ ਤਰ੍ਹਾਂ ਦਾ ਵਿਤਕਰਾ ਨਾ ਕਰੇ ਕਿਸਾਨਾਂ ਦਾ ਜੋ ਹੱਕ ਬਣਦਾ ਹੈ ਇੱਕ ਸਾਰ ਦਿੱਤਾ ਜਾਵੇ ਜਦੋ ਜਮੀਨ ਦਾ ਮੁੱਲ ਇਕ ਸਾਰ ਹੈ ਤਾਂ ਫਿਰ ਸਰਕਾਰ ਕਿਊ ਇਸ ਤਰ੍ਹਾਂ ਦੇ ਵਾਧੇ ਘਾਟੇ ਕਰ ਰਹੀ ਹੈ ਜਮੀਨ ਦਾ ਜੋ ਮੁੱਲ ਹੈ ਉਸ ਹਿਸਾਬ ਨਾਲ ਪੈਸੇ ਕਿਸਾਨਾਂ ਦੇ ਖ਼ਾਤਿਆ ਵਿੱਚ ਪਹਿਲਾਂ ਪਾਵੇ ਅਤੇ ਫਿਰ ਜਮੀਨ ਅਕਵਾਇਰ ਕਰੇ ਓਹਨਾ ਦਾ ਕਹਿਣਾ ਸੀ ਕਿ ਜਦ ਤਕ ਓਹਨਾ ਦੀ ਮੰਗ ਨਹੀਂ ਮੰਨੀ ਜਾਂਦੀ ਤਦ ਤਕ ਹਾਈਵੇ ਵਾਸਤੇ ਜ਼ਮੀਨਾਂ ਵਿੱਚ ਨਾ ਤਾਂ ਨਿਸ਼ਾਨੀ ਲਾਗਉਣ ਦਿੱਤੀ ਜਾਵੇਗੀ ਅਤੇ ਨਾ ਹੀ ਕੋਈ ਹੋਰ ਕੰਮ ਕਰਨ ਦਿੱਤਾ ਜਾਵੇਗਾ