Uncategorized
‘ਪਿਆਰ ਕਾ ਪੰਚਨਾਮਾ’ ਫੇਮ ਸੋਨਾਲੀ ਸਹਿਗਲ ਨੇ ਕਰਵਾਇਆ ਵਿਆਹ,ਆਸ਼ੀਸ਼ ਸਜਨਾਨੀ ਨਾਲ ਲਏ ਸੱਤ ਫੇਰੇ,ਦੇਖੋ ਖ਼ੂਬਸੂਰਤ ਤਸਵੀਰਾਂ
ਫਿਲਮ ‘ਪਿਆਰ ਕਾ ਪੰਚਨਾਮਾ’ ਫੇਮ ਅਦਾਕਾਰਾ ਸੋਨਾਲੀ ਸਹਿਗਲ ਨੇ ਅੱਜ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਆਸ਼ੀਸ਼ ਸਜਨਾਨੀ ਨਾਲ ਵਿਆਹ ਕਰਵਾ ਲਿਆ ਹੈ। ਦੋਵਾਂ ਨੇ ਮੁੰਬਈ ਦੇ ਇੱਕ ਗੁਰਦੁਆਰੇ ਵਿੱਚ ਸੱਤ ਫੇਰੇ ਲਏ। ਓਥੇ ਹੀ ਅਦਾਕਾਰਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਵਿਆਹ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।
ਸੋਸ਼ਲ ਮੀਡੀਆ ‘ਤੇ ਸੋਨਾਲੀ ਦਾ ਇਕ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ‘ਚ ਉਹ ਗੁਲਾਬੀ ਰੰਗ ਦੀ ਸਾੜ੍ਹੀ ‘ਚ ਕਾਫ਼ੀ ਖੂਬਸੂਰਤ ਲੱਗ ਰਹੀ ਹੈ। ਸਾੜ੍ਹੀ ਦੇ ਨਾਲ ਹੀ ਸੋਨਾਲੀ ਨੇ ਸਿਰ ‘ਤੇ ਦੁਪੱਟਾ ਵੀ ਲਿਆ ਹੋਇਆ ਹੈ। ਇਸ ਦੌਰਾਨ ਉਸ ਨੇ ਆਪਣੇ ਕੁੱਤੇ ਨਾਲ ਐਂਟਰੀ ਲਈ। ਇਸ ਦੇ ਨਾਲ ਹੀ ਆਸ਼ੀਸ਼ ਨੇ ਮੈਚਿੰਗ ਆਊਟਫਿਟਸ ਵੀ ਪਾਏ ਹੋਏ ਸਨ।
ਵਿਆਹ ‘ਚ ਪਹੁੰਚੇ ਕਈ ਸਿਤਾਰੇ
ਸੋਨਲ ਸਹਿਗਲ ਦੇ ਵਿਆਹ ‘ਚ ਟੀਵੀ ਇੰਡਸਟਰੀ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਮੰਦਿਰਾ ਬੇਦੀ, ਰਿਧੀਮਾ ਪੰਡਿਤ, ਚਾਹਤ ਖੰਨਾ, ਸੁਮੋਨਾ ਚੱਕਰਵਰਤੀ ਅਤੇ ਟੀਵੀ ਐਕਟਰ ਕਰਨ ਵੀ ਗਰੋਵਰ ਵੀ ਆਪਣੀਆਂ ਪਤਨੀਆਂ ਨਾਲ ਪਹੁੰਚੇ ਹਨ। ਇਸ ਤੋਂ ਇਲਾਵਾ ਕਾਰਤਿਕ ਆਰੀਅਨ ਵੀ ਸੋਨਾਲੀ ਦੇ ਵਿਆਹ ‘ਚ ਸ਼ਾਮਲ ਹੋਏ ਹਨ।
ਆਪਣੇ ਰਿਸ਼ਤੇ ਨੂੰ ਗੁਪਤ ਰੱਖਿਆ
ਦੱਸ ਦੇਈਏ ਕਿ ਸੋਨਾਲੀ ਪਿਛਲੇ 5 ਸਾਲਾਂ ਤੋਂ ਆਸ਼ੀਸ਼ ਸਜਨਾਨੀ ਨਾਲ ਰਿਲੇਸ਼ਨਸ਼ਿਪ ਵਿੱਚ ਸੀ। ਹਾਲਾਂਕਿ ਉਨ੍ਹਾਂ ਨੇ ਇਸ ਗੱਲ ਨੂੰ ਗੁਪਤ ਰੱਖਿਆ। ਦਰਅਸਲ, ਸੋਨਾਲੀ ਨਹੀਂ ਚਾਹੁੰਦੀ ਸੀ ਕਿ ਲੋਕ ਉਸ ਦੀ ਨਿੱਜੀ ਜ਼ਿੰਦਗੀ ਬਾਰੇ ਜਾਣੇ। ਆਸ਼ੀਸ਼ ਦੀ ਗੱਲ ਕਰੀਏ ਤਾਂ ਉਹ ਇੱਕ ਕਾਰੋਬਾਰੀ ਹੈ ਅਤੇ ਮੁੰਬਈ ਵਿੱਚ ਉਸਦੇ ਕਈ ਹੋਟਲ ਹਨ। ਖਬਰਾਂ ਦੀ ਮੰਨੀਏ ਤਾਂ ਜੋੜਾ 8 ਜੂਨ ਨੂੰ ਮੁੰਬਈ ‘ਚ ਰਿਸੈਪਸ਼ਨ ਰੱਖੇਗਾ।
